اروح الاستراحة او ماروح اروح أو ماروح اروح أو ماروح ياربي ايش السوات والله طفشان خلي أغير جو واروح بس عسى اللي في بالي ما احصله هناك
إنا استاهل ليه اهاااااايط من أول كان خفست وتلايطت أحسن
بس تدري خلني أروح يعني ويش يصير اجلس اهرب عنهم الى متى
طبعا طلع قحافة برا البيت بعد انعزال تاااااام عن العالم لمدة 3 ايام بلياليها وكان الجو بااااااارد
ياساتر وش هالبرد السيارة يبي لها ساعة عشان تشتغل وساعة عشان تسخن طبعا ركب قحافة السيارة
ودق السلف
جغغغغغغغغغ جغغغغغغغغغ جغغغغغغغغغغععنننننننننننن ننننننننننننننننننننننننن ننن
وجلس يدعس بنزيم طفت السيارة
جلس قحافة يضحك ويقول يا أخي الأعلام هذا كذاااااب ويقولون السياراة تعلق اذا دعست وانا سيارتي دعست بنزيم وطفت هههههههههههههه(( طبعا هو سيارته كرسيدة 96 ملعون والديها ))
المهم حاول مره ثانية واشتغلت
شغل قحافة الراديو وحط على إذا عة FM
وكان فيه برنامج رياضي واتصال من مشجع نصراوي مقهوووووور وكان المشجع يقول قصيدة يصف حال النصر
في ظل تعكير العواصف والأمواج // واجب على أهل العقول الأديبه
تقفل على بابالمشاكل بمزلامج // واللي يبي ضعف النصر وش نبي به!
واللي يقول (العالمي) ويش يحتاج // وسط الظروف المؤلمه والعجيبه
يبغى لنا فالنصر تأليف وإخراج // ويبغى لنا هالحين ( خمسة لعيبه )
حارس وصانع لعب تمرير وإنتاج // ومحور معامدافع وهداف هيبه
ما هي مصيبه لو ندور لنا علاج // بس التغاضي عن خطانامصيبه
إلى متى حنا من إحراج x إحراج // /وندفع على تشجيع الأصفرضريبه
نبغى نجيب انجوم أفراد وأزواج // وإليا بغينا نجيب لاعبنجيبه
الغير شيد من بطولاته أبراج // والنصر من خيبه يعود لخيبه
اللييروم الكاس والدرع والتاج // لا شك ما ينشد على صرف جيبه
مهر البطوله غيروسياجها سياج // لعيونها لازم تجند كتيبه
جمهور ما قصر يجي دايم أفواج // وإليا حضر ماهيب والله غريبه
ومن الصبر كنه يقلب على صاج // ما غير يرقب بسرجعة حبيبه
متى فريق النصر يشعل لنا سراج // ويعود فارس نجد من بعدغيبه
ايوالله صح ألسانك والله
المهم وصل قحافة للاستراحة وجلس يفكر ايش يقول اذا اسألوه وينك وليش مقفل جوالك ماترد
ياربي ايش اقول جميع التصريفات خلصت المهم دخل
وكان دخوله مثل دخول مشتركين عرب قوت تلانت للمسرح
تصفير تصفيق وتراحيب
هلا والله بالغالي هلا وغلا يالله حية وييييييين هالغيبة ياواحشنا لك ثلاث ايام ماتنشاف عسى ماشر ندق على جوالك مقفل سلامات
لا الله يسلمك بس كنت اصيد سمك فوق السطح عند الحنفية ونسيت جوالي ومن الشمس الظاهر خرب
(( عفوا عزيزي النصراوي جميع هذه التصريفات خلصت))
لا تستغربون يصدقون الطواقي
بالله عليك
نقز واحد من زاوية المجلس وبضحكة مستفزه وقال اخبارك بعد الأربعة
جاوب قحافة بكل هدوء ابد مثل اخبارك بعد السبعة
رد زعيقي اخر وقال تكفى يالايطالي ايش دخلك الحين باليوفي حنى نكلمك عن مسخرة النصر والهلال
والأربعة
رد قحافة وبكل هدوء ياكبتن لاتحسب النتيجة تاريخية
رح لعمك قوقل واكتب نتائج الهلال والنصر تحصل إنا صاكينكم نفس هذه النتيجة بالضبط
يارجال حنى عيال اليوم وانت تتكلم عن ألف وحطبه
(( واستمر النقاش ولازال قحافة يستنجد بالماضي ليذكر الزعقاء بماضي النصر الذي حفظوه أكثر منا لكثرة ما نردده عليهم))
وخرج قحافة بعد أن مل من المكان وعرف أن لأجدوا من الكلام وفريقه يجبره على السكوت والانعزااااااال
وتذكر قحافة هذه الكلمات التي قراءها واخذ يرددها
أتعبتنا الآلام والأحزان
وعيونٍ لا تنام
/
لابد أن نعود
ونعيد لشفاهنا بسماتها
لابد ان نعود
ونترك ورائنا هموما أتعبتنا وأنستنا الفرحة
لابد أن نعود
نزرع الزهور ونسقيها بحبنا
لا للدموع
لا للصمت
لا للألم
لا للضياع بين سكنات الندم
لا للخوف ونسيان الأمل
لا لكي يادنيا الفراق والظلم
نعم لك يا حب
نعم لكي يا حياة
نعم للتناسي والنسيااااااان
نعم للتعايش بين جدران الذكريات
للتسامح والغفران
لكي ننعم بباقي ما تبقى لنا من الأيام
احبك ياااااااااانصر
رد مع اقتباس