بسم الله الرحمن الرحيم .
السلام عليكم ورحمة الله وبركاته .
أسعد الله أوقاتكم بكل خير .
-------------
أحب أن أقدم لكم اليوم آخر ما كتبت ... وهي قصيده عنونتها بـ " مقادير "
سائلاً المولى .. ان تحوز " مقادير " على شيء من رضاكم واستحسانكم ....
أترككم مع " مقادير "
[poem=font="MS Sans Serif,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مرت ثلاث سنين من بعد فرقاك = والحال نفس الحال ما جاه تغيير
للحين اناظر بسمتك في محياك = ولا زلت أطالع صورتك والتعابير
ملامحك .. صوتك .. ولمعة شفاياك = ما غبت عن عيني ولو حزة اعصير !
كل يوم اشوفك في منامي ولا القاك = وعجزت القى لهاك الاحلام تفسير
أدمنت أنا حبك ، والادمان فتّـاك = واسرفت في عشقك ، والعشق تبذير !
كوني أكيده ، إني بالحيل أهـواك = مثل حقيقة يوسف ال كان في البير !
منتب حلو مره ، ولكن مزايــاك = ما اذكر انه قد حصل منك تقصير !
مقساك يا درب المعاناة مقساك = لا شك همك غير يا صاحبي غــير
لو تنشد القلب كيف عايش بلياك = يرد قلبي .. يا حبيبي ( مقادير )
الزرع لو يقعد شهر دون سقياك = يموت زرعك ، ويهجر اغصانه الطير
وانا قعدت سنين ما شفت عيناك = وش شفت ؟! إلا ما سمعتك عسى خير !
اليا طروا ( فرقا ) يرد الصدى هاك = هاك التعب ، وازرع بقلبك مسامير
واليا طروا ( جتنا ) قلت البخت جاك = واقول جتني .. جتني أم التباشير
واروح أدوّر عنــك يارب ألقاك = وتصرخ بي الاشواق .. يكفيك تدوير
أصبحت الخبط ، بين فوك وبين فاك = أنصب المرفوع نصب ، وارفعه حتى يطير
تخيلوا من كثر ما ، ضيعوني بالعراك = ( انتي وانتم وانتما ) كلها جمع تكسير !
ما عاد بعيوني نظر ! القبيحه كالملاك = وما عادت الدنيا تهم ، الغني مثل الفقير
اقـلّـب الصورة ، واحاكيك .. وارجاك = عيني تشوفك ... وقلبي يشتاق ويغير
لا زال في قلبي أمل ، تنتهي الفرقا بلقاك =واقول للعالم وأصرخ " لسه هالدنيا بخير [/poem]
=-=-=-=-=-=-=-=-=-=-=-=-=-=
وسلامـــ ت ـــكم . . .
*** ان كان هناك موطن انتقاد ... فأتمنى ان لا تبخلوا عليّ به ***
ولكم مني كل الحب والتقدير .
صـــالـــــــــح
[/align]
رد مع اقتباس
-new.gif)
