ودي احطب لك ضلوعي وادفيك


ودي احطب لك ضلوعي وادفيك~
وألحفك بالرمش لاصرت بردان~

اسكنك في عيوني أن كان يرضيك~
وتصير عيني لك وطن مثل الأوطان~

واضمك لصدري غلا لين يرويك~
عذب الحنان اللي فقدته من زمان~

واعطيك عمر جايك اليوم يهديك~
اجمل محبه ضمة إنسان لإنسان~

القلب تسكن فيه وحدك ويرجيك~
أنك تعيش داخله وينسيك الأشجان~

ياحبيبي أنت الوفا .. والوفا فيك~
يرسم ملامح ضحكتك وأنت عتبان~

لاتستحي واحضن يدي داخل يديك~
ثم شدني وارضيك أن كنت زعلان~

أبي افتخر فيك واتبختر وأناديك~
وأقول : هلا بحبيبي اللي سكن بين الأوجان~

ياحياتي والله لأعطيك وأعطيك...~
عمري وعشقي فدوتك يا أعذب إنسان~

أنت الهوى والقلب بالحيل يغليك~
أنت حبي اللي رويته بدمع الأجفان~

وأنت حبك أشوفه يملي علي ~
كل هالكون وحتى لوفيه غيره أكوان


مما راق وهدية لعيونكم ( بمناسبة الأجواء الباردة )