اهداء لكــــــــــــــــــم
واسمحو عن قصورها وتواضعها
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الجمعـه الماضيـه يابـدر ملكتهـا = هذا سبب ضيقتي يابـدر واحزانـى
خاتم من المـاس شارينه لشبكتهـا = حطوه بيدينها مـن غـال الاثمانـى
يمدى تباريكهم يابدر بكتهـا = طبع العذارى كذا في بعض الاحيانى
العام انا البلسم الشافى لربكتها = لاضامها الوقت تنصانى وتلقانى
مالله قسملى على السنه شراكتها = الحب ألى والزواج لواحدٍ ثاني
نفسي من البيـض كفتهـا ووفكتهـا = والله مهاوي بعدهـا متـرف ثانـى
اليا تذكـرت نظرتهـا وضحكتهـا = منلام لو هلت الدمعـه مـن اعيانـى
كني طريح ٍ شكـى بقعـا وصكتهـا = امسى شريدة هله عمـان واخوانـى
عليه صم الرمك فاعـت بصوكتهـا = دارت رحاها عليه ولاش عـوً انـى
مافادتـه فاللقـا نفسـه وحنكتـهـا = جوه الضحى وآمن ٍ من غدر قومانى
وآشيب عيني عليك وكسر شوكتهـا = الوجد فى عالم الحرمان سرانى
يحرم على الرجل ماتمشـي بسكتهـا = في بيت رجال والشيمـات تنهانـى
قلت القصايد لها واحكمـت حبكتهـا = من دافع الذكريات ونار وجدانى[/poem]
رد مع اقتباس
