هب الهوى





هب الهوى غرب واجتاح الضلوع وشعرت


ان الليالـي الجميـلـه هــب نسناسـهـا


مـدري كبـر حلمنـا والابعينـي كبـرت


والاهـي اوهـام ودي يصـدق احساسهـا


تنسانـي ايـام وتجينـي متـى مـاذكـرت


اليامتى وانـت روحـي حابـس انفاسهـا


كنت اجمل احلام عمري بس ليه انكسـرت


يازيـن الاحـلام لـو ماينكسـر باسـهـا


بيديك مديت لي كـاس المحبـه وصـرت


انا اول اللـي يـذوق المـر مـن كاسهـا


من يومها وانت قدام عيني ولـو ماظهـرت


دايـم وعينـي تشوفـك بـيـن جلاسـهـا


قدرت ولا علـى نفسـي معـك ماقـدرت


لازاد عنـهـا غيـابـك زاد وسواسـهـا


لوشفت حال الورق والشعر عقبك عـذرت


اللي حـرق صفحـة الماضـي وكراسهـا


ماكنت اصدق يجي يـوم ابتسـم لانظـرت


اطـلال ركـب الليالـي مـر ماداسـهـا


وإلا انت لوقلت لي نادم وجيت واعتـذرت


كان اجمل ابيات شعـري ينحنـي راسهـا


مافيـه داعـي توصينـي تـراي اعتبـرت


فرقاك ذكـرى وشعـري علـق اجراسهـا


يكفيني البارح انـي فـي عيونـك سهـرت


وقفـت بيـن العيـون السـود وانعاسـهـا


ان رحت ماانت اول اللي راح وان حضرت


قلـت الليالـي الجميلـه هـب نسناسـهـا



الشاااعر المبدع : متعب التركي