ابجديات المحــــــــــــــاوره

[محمد السليس]

السلام عليكم ورحمة الله وبركاته

واروجو المشاركه من جميع الاخوه

ابجديات المحاوره

- المحاوره اذا اخذنا ها من بداية نشأتها :

هى فن الفتل والنقض

الفتل : وهو ابهام المعنى والرمز له بشئ وفي اللغه هى التوريه وهو ذكر حاله وصفيه

لشئ والقصد به شئ آخر

النقض : وهو حالة الوصول الى المعنا اللذي اراده الشاعر والقيام بوصفه بطريقه توريه

ويضع نفسه الناقض محل المدافع او محل الناقد


والمعنى يعتمد على ذكاء الشاعر البادع له

من ايجابيات المحاوره

تعتمد المحاوره على موهبة الشعراء والثقافه والخيال

وقوة اللفظ والفكاهه من سلبياتها

الانزلاق الى اسلوب السب والقذف وتكون من عدم الموهبه

او عدم الخبره الكافيه اوعدم الثقه فالنفس


@@@@@@@@@@@@@@@@@

ملاحظه المتابع للمحاوره

- الاعتداد بالنفس في المحاوره يقلبه الشاعر الخصم

الى تهكم ويكون على الشاعر المتفاخر

- المسأله القبليه مرفوضه لدى الشعراء الكبار لانها

تنتهى بما لاتحمد عقباه الا اذا تعامل معها الشعراء بطريقه تكتيكيه

@@@@@@@@@@@@@@@@@


بعدين مسألة الهزيمه والنصر هاذى مرفوضة تماما

لاننا لانلعب فالدورى السعودى او بطريقة خروج

المغلوب لمره واحده وبعدين معنا هنا في غرابيل شعراء
لهم باع في المحاوره مع فطاحلة الشعراء

وفى ميادينها المباشره

فأى شاعر او شاعره او عضو

عليه الالمام بفنون هذا الفن الاصيل ومن بعده الدخول الى المحاوره

وسيتم نقد اى بيت او اي شاعر في اى محاوره



والله ولى التوفيق

[محمد السليس]

احمد الناصر الشايع وصياف

أحمد:
مرحبا عداد ما تسري نجوم السما فالليل ** ردة وافيه نبدي بها عند واجبها

بس انا والطواري والهواجيس حط وشيل ** عام اصدق هواجيسي وعامين اكذبها


صياف:
البقا بالعميل اللي يمد الحن بالحيل ** من رجال زمان العام تفتل شواربها

احمد الناصر اللي عام الاول يسج الخيل ** السنه ذي يربط راسها قبل يركبها


احمد:
عامنااللي مضى هاذي مواقف جمال عقيل**ماقف الفارس اللي سبق الخيل يتعبها

غاب عيبه طويله والله اقوى قوي الحيل**وكل نفس بعملها ربها اللي يحاسبها


صياف:
شفت سيل حدر واد الرمه مثل نهر النيل ** والجمال اغرقت ما سلمت الا غواريها

وانت لو شفت نجم الجدي قدام نجم سهيل ** يمكن انك تحصل لك ارجال تصاحبها


احمد:
باقي الجدي والمرزم عسى ما يجيهم ميل ** وجعل سود الليالي ما تجيهم مصايبها

اخذ فنجال اشقر خالطه زعفران وهيل ** يقعد الراس والافكار عندك يقربها


صياف:
فتح العين لين تشوفنا وارفع الدربيل ** وامسح الخط كله والملفات جنبها

ما عرفنا المقاضي لين فكيتوا الزنبيل ** يا عيال الحلال اللي قرينا مكاتبها


احمد:
جعلها ما تجي بديارنا قصة اهل الفيل ** وساعة الطرقي العجلان تاقف عقاربها

من ينقص لك الميزان ينقص عليك الكيل ** وما احد يعرف العربان حتى يجربها

[محمد السليس]

مطلق الثبيتي :
كل جرح نبا نلقىعلاجه وطبه × وإن غدا طبها جبنا السيوف الحدادي

صياف الحربي :
شعشع النور والمسلم يصلي لربه × وأنت فتح سموعكم ليا سمعت المنادي

مطلق الثبيتي :
نمدح اللي يمد الوافية ما نسبه × ننقله من ردوف اشعيل فوق الشدادي
مار صياف لا ينثر مع الدرب حبه × بين شقر الحرار وبين شهب الحنادي

صياف الحربي :
يا ثبيتي ترى ثوب الشرف ينصبه × أبيض ما ناشه حمار وسوادي
جاك شاعر مع الشعار ما حد لعبه × ينتبه لليالي حر وألا برادي

مطلق الثبيتي :
خيل الغيث فوقك وأنت ضوك تشبه × سرع ما جاك سيل الخير مع كل وادي
الثبيتي يبا يرميك في جــــوف غبه × بين موج يموج وبين حـــــوت يصادي

صياف الحربي :
خيلت وأقبلت بالماء وعيت تصبه × وأطلعت شجرة خضراء وأكلها الجرادي
لا تحط الغشيــــــم بموتـــر ينقلبه × نحسبك سريت الليل وأصبحـــــت غادي

مطلق الثبيتي :
كيف تومي براسك والهبايب تهبه × تحسبنك كما أن امهيد وألا المهادي
راعي الخيمة اللي حطها في جهبه × جيت أبا مرها ليا الطريــق امتحادي

صياف الحربي :
والله أنك على طبع مضـى ما تكبه × مار وشر عينك من شــــــــراره زنادي
ماني اللي تعلق في الحبال ونشبه × أعرف الفارس اللي ينتصر في الطرادي

[محمد السليس]

الاخوه شعار المحاوره هناك اوزان للقلطه
خاصه بها وحبيت اني اوضح لكم بعض
هذه الاوزان حتى تعم الفائده على الجميع


البحر الطويل يقوله لويحان

1- هاضني مرقاب عديت في عالي فروعه عصر والشمس حيه
ساقني سايق الاقدار لين الساق عدا براسه من عذابي

2- أه واعبرتٍ كنيتها ما أبديتها في حشا روحي خفيه
مثل عبرة يتيمٍ ينزرونه نزر والنزر هضام الشبابي

2- الحنيفي ( نسبة الى مبتدع هذه التسميه
شاعر يدعي ( بحنيف) أوالحنيفي لقبه

1- من صافي النيه... سلام رديه
والملعبه صافيه والليل قافيها

2- من خاطرٍ صافي.. حييت يا سنافي
ز والملعبه شدها لياك ترخيها

المربوع المكسور



يقول سليمان بن شريم.


- والله اني فوقهم كني على مزعافي...مهرةٍ لعابه
لي ثلاث سنين يا صقران هذا حوفي .. بندقي مشعابي
2- انت يا راعي الغنم قد شافك الشوافي.. جوكم النهابه
يوم تمشي بالجبال السمر كنك عوفي.. للغنم حلابي



اللويحاني .. كقول لويحان


1- ألا يا مال فرقا العين الا يا مال فرقا العين
يا بعد الفرق بين الناس يا خلاق يا كافي
2- خطاه الزول صورة يحسب الجمعه ضحا الاثنين
يغر الاجنبي زوله وفي ملبوسه الضافي

- القصير.

- يا سلامي على كل الرجال
ردةٍ خاطري غنابها
2- هبت اريحها شرق وشمال
والمعاني حسبت احسابها

6- المعوســــر (( العسيـــر )
قول مرشد البذالي

1- بدا.. منهو حدا.. بالقيل .. وان تيه العجفاوي
ولا.. منى على .. الاصحاب.. نفسٍ تجي دونيه
2- عدا.. ذيب الندا.. في ليل.. مير احترس يالشاوي
ملا.. الناب العلا.. ون صاب.. ياخذ لحمته نيه
3- غدا.. قولواكدا.. ما قيل .. سبعٍ طمع به واوي
ولا..قولوابلا.. شر شاب.. تطمع به الحنديه


المخو مــــــس


- سلام والسلام مني والليله الملعب ينادي
الليله الليله لعبنا ما هبلك يا قلب الشرودي
تحية وفا يا فاهمين التماثيل
2- يا ناقلين الطرق عني من جنب الطاروق غادي
ان قالو العالم تعبنا أنا قويا تن عضودي
تعاليل يا هل اللعب هذي تعاليل



8- المســـــودس
قول مرشد البذالي


1- اسمعو وافهمو رد الكلام يا سلامي على اللي يفهمون اقوال
من قدم شريف الكلام بلا جزا
شاقه الولم.. واغرم يوم جابنه مطاليب حاجات الرفيق
من عناله وجب حقه وصار

2- ما لنا في تشعبات الكمام أنت يا من لكح بالرجم زولٍ زال
واستدنا سلاح الشجاعه واعتــــزا
ثابت العلم.. وأفكر لين تدري طلب قوم والا انه صديق
لاتسرع بتنفيذ المغار

المنكوووووس
1- سلام رديه.. لها راس وعيون... سلام رديه
2- الليله الليله .. بها أشكال وألوان.. الليله الليله

رده ومثنيه.. على اللي يغنون.. رده ومثنيه
كلن وتحليله.. الى كان ماكان.. كلن وتحليله

المثــــــومن

وصلنا سلامك.. ونفهم كلامك
تبي تركب البرج والبرج عالي
ترفق وخل المشي يا رجل بالهون
لقيتك لقيتك.. وأناما نسيتك
تصلي الفروض وتبوق القرايب
توضيت والا مصلي ما توضيت

2- تضلل علينا .. وحنا درينا
قيل لاتكمل ثمان الليالي
تصلون ولا يالربع ما تصلون
عصيت القرابه.. نويت الحرابه
ماهو نا فعك لو يقولون تايب
تقهويت ولا عندنا ما تقهويت
11- المــــربوط
(( ربط بكلمة مكرره كقولهم.. (( والعالم الله ))

1- يا سلامي عليكم كل سموا قبيله
قلتها من صميم الجاش والعالم الله
2- وين راح القبيل اللي ينومس قبيله
ما ربطنا عليها شاش والعالم الله

وهذا نظم أخر مربوط ايضا..
حيث تكرر جملة (( المعني على سطح القمر))
1- يا شاعر الميدان لوتنخا فلا تلقا نصيـــر
ادخل ولك مظهار والمعنى على سطح القمر
2- ترى الجمل عيبٍ عليه رغاه من عقب الهد يــــر
خذلك بها مشوار والمعنى على سطح القمر

[محمد السبيعي]

شاعرنا الرائع / محمد السليس

الله يعطيك العافية على هذا الموضوع

الذي فيه توضيح لكثير من النقاط التي

ربما يغفل عنها بعض الشعراء أو بعض

الجمهور المتذوق لشعر المحاورة ،

وكذلك توضيح لبعض بحور المحاورة .



تقبل مني أجمل تحية

[أبوعبدالرحمن]

محمد السليس


موضوع مهم ويعتبر مرجع لكل متذوق وكل متابع لهذا القسم

يعطيك العافية اخوي وما قصرت

[محمد السليس]

مرور الاساتذه الافاضل

سعد العتيبي ومحمد السبيعى

وسام للموضوع

وشرف

لاخلا ولاعدم يالنشاما

[مُذهِلــــة]

تسلم وما قصرت أخ محمد يعطيك العافية

موضوع في غاية الأهمية ومفيد خاصة لمرتادي هذا القسم

لك أصدق تحية

[طيف الوله]

الله يعطيك العافيه مشرفنا الرائع ومجهود تشكر عليه

[محمد السليس]

الاخت مذهله لاهنتى على المرور والدعم وهكذا الاوفياء

الاخت طيف الوله على خطاكم نسير وانتم من اظهر القسم

تحيااتى