مرحبا

شلوووونكم؟!

اليوم سويت باستا دياي او معكرونة مادري شبتسمونها هع

اول شي معكرونة اورقانيك وتكون من قمح يعني سمرا مالت دايت وهاذي صورتها



فيها 500 غرام نستخدم الثلث منها بس وبتكون لشخصين

نفوحها عادي لين تصير جذي



ونييب صدر دياي مفيوح نقصه مربعات صغار نعصر عليه ليمون شوي وخل



بعدين نقص كوسا وجزر وفلفل اخضر



نخليهم كلهم في جدر ونحط معاهم شريحتين جبن لايت



نقلبهم لين الجبن يذوب وفي هالوقت نبتدي نسوي الصوص حده خفيف وشوي بناخذ قفشتين من القشطة وففشتين من
الاحمر ورشة فلفل اسود



ع النار مع شوووية خل



وهني يوم خلطنا الصوص مع الباستا



وبسسسسس جهزت ^_^

كليت نصها ع الغدا كانت وااايد لذيذة وخفيفة

مع ان اهلي يقولون ناقصة ملح بس انا خفت منه



حسبت السعرات الحرارية لنص الكمية يعني صحن واحد بس طلعلي 460 سعرة حرارية + 60 سعرة لسلطة الفواكة صارو 520 هع





شرايكم؟!