[align=center]أعزائي في منتدى الغرابيل
اليكم هذه المتواضعه .. عسى أن تنال استحسانكم[/align]
[poem=font="Simplified Arabic,4,limegreen,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياسيدي يامخلخل(ن) فـي هجمتـك خـط الدفـاع=من وين ماسددت ياعمري .. على قلبـي تصيـب [/poem]
.
[poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لو وقتنا يكتـب لنـا صدفـة لقـا بعـد الـوداع=تذكّـر ان فراقنـا مـنّـي ومـنّـك والنصـيـب
ياصاحبي جوارحـي دايـم علـى شوفـك جيـاع=والقلب من زود الغلا والشوق/ يتبعهـن / رقيـب
لأقبلت يلبسني الفرح .. وان غبت ألبس الالتيـاع=في الأوله ثلج وبرد .. والثانيه / جمـر و لهيـب
أشتاق لك لوني علـى ملاقـاك ماعديـت سـاع=شوق الصحيب اللي قضى عمره يدوّرلـه صحيـب
لاصفت رموشك وقوف حـدود عينيـك الوسـاع=كنهـا تنهزرنـي تجـي سالـم أو تعـوّد عطيـب
نظـرة دلـع .. ولاّ ولـع .. ولاّ تعـال اباندفـاع=من قبـل لاأفكـر بـذي وذيـك أقـدم وأستجيـب
جيتـك وقبّلـت اليديـن وشـبّ باطرافـك نـزاع=لـولا طهارتنـا ونقاوتنـا لـبــدّي مايعـيـب
لـساوي بين الكـف ورقبتـك وخـدّك والـذراع=وألبّي مطلب كـل منفهقـه علـى مطلـب قريـب
ياللي عشقتك بـد خلـق الله وأنـا كلّـي اقتنـاع=غيرك يقول تمد لـي خطـوه أجـي يمـك خبيـب
أنت الغلا وأنت الحـلا فـي كـل ماتبغـى مطـاع=لوتطلب اني في زمـن تغلـب أذكيلـك كليـب !!
أسوق روحي فدوة(ن) لـك سـاع ذبّيـت القنـاع=سوقة وليد(ن) في رحى الهيّه درى ان عمّه صويب
ياسيدي يامخلخل(ن) فـي هجمتـك خـط الدفـاع=من وين ماسددت ياعمري .. على قلبـي تصيـب
بصارحك .. لنك تعـرف مثلـك فـلا والله يبـاع=تشرى .. مثل مايشتري المعتل وصفـات الطبيـب
يمكن تكـون آخـر زيـاره واحتملهـا ياشجـاع=( طيّارتي ) اقلاعهـا بكـره مـع وقـت المغيـب
أدري دخل بك شك وعزومك مع ظروفـي صـراع=محتـار تتبـع الأولّـه ولا تبيعتـهـا وتغـيـب
لكـن / قبـل لاتنفعـل وتفـل للريـح الـشـراع=احلم ترانا في الهوى نورد علـى نفـس المصيـب
أبيك ذالساع اتهـدا .. وأبيـك تحسـن الاستمـاع=وابيـك لامنّـي نشدتـك ياسبـب حزنـي تجيـب
أنـت امتكـدر مـن فراقـي جـد ولاّ ذا خــداع=أنت اتمنانـي مثـل باقـي البشـر ولاّ حبيـب ؟
جـاوب وريـح خاطـري ولالـك الاّ الانصـيـاع=ثنتيـن واختـر واحـده ... يامنبسـط ولاّ كئيـب
تلكّـك .. الله يقهـر سكوتـك ويعطيـك الضيـاع=كنّـك تبيهـا بالاشـاره وافتهمـهـا يالبـيـب !
وأنا لك الرحمـن ياغافـل .. أحاسيسـي شبـاع=متوهّم ان قلبي غدالك غصن .. وانـت العندليـب
ماقـد تهيّالـي بتطمـن عـقـب ذاك الارتـفـاع=ولاكنت أفكـر ختمـة القصـه بيعطبهـا الأديـب
أنا كذا .. رغم اني أطلب فـي حـدود المستطـاع=الاّ ان دايم موقـف الواقـع مـع ظرفـي غريـب
ياصاحبـي جوارحـي ماعـادت لشوفـك جيـاع=وأنا أحمد الله يوم مع شـرواك ماجالـي نصيـب
[/poem]
[align=center]أخوكم
فهد بن عبدان[/align]
رد مع اقتباس
