المشاركة الأصلية كتبت بواسطة عـذب الأوهـــام
[poem=font="Simplified Arabic,5,orange,normal,normal" bkcolor="black" bkimage="" border="double,4,orange" type=1 line=0 align=center use=ex num="0,black"]
عناقيد الوله
لا ضاق صدري قمت اداعب خيالك = واضيع مع صوتك وهمسك ونجواك
واتخيلك جالس قبالي الحالك = ومره يدي بشعرك.. ومره على شفاك
واذوب في ضحكتك واعشق هبالك = واقول ماتطلّبه ياغايتي جااك
واذا الزمن يا مهجتي ماصفالك = اجيك واضمك من ادنااك لا اقصااك
وأقول آآمرني على مابدالك = وانا وعمري يابعد عيني افداااااك
بذوق مرك ثم ابشرب زلالك = وبمشي على دربك ولو كله اشواك
كلي على بعضي تراني حلالك = وماهمني من قال (ياخذ ولا اعطاك)
يكفيني ان العمر بـ أرضاك سالك = لو يعترض للحب والشوق نماااك
عيني تشوفك كاملٍ في جمالك = وماوصلوا لزينك لاهذا ولا ذاك
يالله عسى درب السعد دوم فالك = نقشت بضلوعي وصدري مسماك
خذني من ايمينك الى آخر شمالك = ولملم شتاتي في ضلوعك وبحشاك
ودي تدلعني وزود بدلالك = وابيك تسقيني من أرضك ومن مااك
لا تحرم العطشان لا صار هالك = وانته تحس عروق فيه اترجاك
اخذت بير الشوق والماء لحالك = وانا على جالك عيوني تحراك
ليت اتفيا وارتوي في ظلالك = واقطف عناقيد الوله من مزاياك
وش تنتظر مادام قلبي صفالك = ومن زود حبك شارك الحب ماطاك
ارجي من الله لحظةٍ في وصالك = ومتى تقر العين لحظه بلقياك
وان غبت عني بجمع اللي بقالك = وافتح من الذكرى على الهم شباك
,,,,,
,,,
,,
,
فالح الشــلوي[/poem]