[align=center]
مرحبا أحبتي
الحقيقة أنني وجدت نفسي هنا في غرابيل
أكثر من غيره
وكم أخجلني تواضعكم
وهذه الحفاوه التي وجدتها
تفوح صدقاوصفاءا
وبودي أن أقدم لكم كل ما أملك
دفعة واحدة وأعتبرذلك قليل بحقكم
وهنا أجدد لقائي بكم بهذه المتواضعه[/align]
[poem=font="Arial,6,blue,bold,normal" bkcolor="silver" bkimage="backgrounds/33.gif" border="outset,9,deeppink" type=2 line=1 align=center use=ex num="0,black"]
في عالم الشعر كل ٍ عارف ٍ سوقه=ولاكل قاف ٍ صدى صوته ينشطني
واليوم غنيت قاف ٍ زان طاروقه=هيضني اللي كتب عبدالله العطني
ترجم شعوره بلفظ ٍ عالي ذوقه=وفي كل حرف ٍ مع الأشواق رابطني
جذبني برقة إسلوبه ومنطوقه=وأحيا بي إحساس من مده ملابطني
وتجددت نارشوقي من لظى شوقه=وهوبماصابني ماهوب صافطني
العام رجواي طير ٍ هف بسبوقه=سالي وكل ٍ على سلواي غابطني
واليوم قلب المعنى عادت فتوقه=وأشغلت بالي وهاجوسي مورطني
إشتقت للي عن الخفرات مفروقه=بين الحرير الطبيعي فرق والقطني
من بعدها ماخفق قلبي لمخلوقه=أعيش بأوهام والطيف متسلطني
من صغرنا مانعرف الغي وطروقه=ومن بد الأطفال بيديها تغلمطني
وتطورت لهفة العاشق لمعشوقه=وتبرقعت وإمنعوها لاتخالطني
وأصبح هواها شريك الدم بعروقه=هيمن على الفكر وبدرسي مصقطني
حب ٍ شريف ٍ يصون الجار وحقوقه=لازعلت أزعل وضحكتها تبسطي
ثم إفترقنا بلاغدر ٍ ولابوقه=لكن قلبي على الواقع مغالطني
ياموصل الخط مأجور ٍ من العوقه=إسلم وسلم على عبدالله العطني[/poem]
[align=center]
تحياتي
أبوسبيل[/align]
رد مع اقتباس
