[align=center]
مرحبا بالجميع
لقد أخجلني تواضعكم
وأجدني لاأملك ما أصور لكم صدق مشاعري
وأكتفي فقط
[poem=font="Arial,6,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
من لاقدر عن شعوره ينطق لسانه=من الخجل لاتوارى عدل وإنصافي[/poem]
ثم لم يدر بخلدي أنني سأنزل مشاركة جديده
وبهذه المده القياسيه
ولكن طلبات الأحبة أوامر
وآمل أن تلامس أذواقكم الرفيعه[/align]
[poem=font="Arial,6,black,bold,normal" bkcolor="burlywood" bkimage="" border="inset,8,deeppink" type=2 line=1 align=center use=ex num="0,black"]
أنا أشهد إنك في جمالك فريده=لومجدوا زين الصبغ والدناديش
وأنتي لحالك في دلالك وحيده=عندي ولو زعلوا هذولاك حتيش
لون الذهب لو لبسوه الحديده=تلمع وفي سوق الذهب ماتساويش
وسعيد مامثله بنظرة سعيده=والناس تهوى ناس مدري على ويش
وياللي تقارن بين سيد ومسيده=ميز ترى في شاشة العرض تشويش
كل ٍ على ليلاه غنى قصيده=لين أصبحوا شعارنا بالبلد جيش
إهرج وقل هذي قصيده جديده=إدخل ولافي عالم الشعر تفتيش
وإمدح وسب وغن باللي تريده=لاشك خلك في حدود الخفافيش
عدل وبدل في إسلوب النشيده=وإسرق من الكتب القديمه عراميش
وإنشر غسيلك للملا بالجريده=خربش ترى شعر الحداثه خرابيش
كم واحد ٍ بالهرج يرفع رصيده=لاصار عنده واسطات وبخاشيش
مافيه حاجه مستحيله بعيده=حنا بوقت ٍ للزواحف طلع ريش[/poem]
[align=center]
أما الإجابه على التساؤل فستجده بين حروف هالبويتين[/align]
[poem=font="Arial,6,deeppink,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قالواجديدك من أشعار الغزل وينه=عساك تبت وتركت الغي وطروقه
قلت الهوى مثل دمي في شرايينه=يضخه القلب ضخ الدم بعروقه
لكن ماكل زين يتوق لي زينه=كل ٍ بخيص بهواه وعاف ٍ سوقه
واللي تغزلت به ما أشوف له عينه=رفيع بمستواه وعالي ٍ ذوقه[/poem]
[align=center]
أجمل التحايا للجميع
أبوسبيل[/align]
رد مع اقتباس
