رساله الى والدي ( مصافحه أولى )

[المجدد]

الى والدي شهيد المحراب



[poem=font="Simplified Arabic,4,white,bold,normal" bkcolor="transparent" bkimage="backgrounds/38.gif" border="none,4,gray" type=1 line=1 align=center use=ex num="0,black"]

ف يوم العيد باالمسجد وشايب وش وراها أرهاب؟ = أنا أشهد أنه الارهاب من راسه ألى جذوره
بكيت الدم قدّامي وانا مافي يديّ أسباب = ألا ياليتني ميّت قبل ماشوف ذا الصوره
ألا ياليتني كلبن نباحه رددته كلاب = ولا عشنا زمان الصمت في ذلّه ودستوره
ألا ياليتني ذرّة رمادن شالها الهبهاب = قبل ماشوف عينك ثالث الاعياد مقهوره
جمعت بعيني الماضي وجيلن كامله شيّاب = جمعت الظلم باالعالم و ما فـ الكون من جوره
عليم الله لانومي تهنّابي ولا لي طاب = ولا زادن قوينا له ونار الجوف مسعوره
ثلاث أيّام أعزّي فيك حتى النافذه والباب = ثلاث أيّام أعزّي فيك حتى الشمس مع نوره
كشفت عن الوجيه بدمعتك يابوي كل حجاب = فضحت العالم الثالث وبانت كل مستوره
تبيّن صادق الحجّه وبان اللي بها كذّاب = نشرت ثيابهم يابوي فوق الشمس مشروره
خلاص الوقت علّمنا وصبّ السطح والمرزاب = ومهما طالت الدنيا جيوش الكفر مدحوره
حرامن منهل الوديان لا منّه غشاها ذباب = صدوق العهد ما يخلف وجند الله منصوره
ألا يا بوي دمّك لا تحسبه ضاع بين أشناب = ترى دمّك وقود المعركه يابوي والثوره
ألا ياالله أنا طالبك ودموعي حروف كتاب = تخلي أوسط الفردوس من كيفه وفي شوره[/poem]

وسلامتكم ..

[طيف الوله]

خلاص الوقت علّمنا وصبّ السطـح والمـرزاب
ومهما طالـت الدنيـا جيـوش الكفـر مدحـوره
حرامن منهل الوديـان لا منّـه غشاهـا ذبـاب
صدوق العهد مـا يخلـف وجنـد الله منصـوره
ألا يا بوي دمّك لا تحسبه ضـاع بيـن أشنـاب
ترى دمّـك وقـود المعركـه يابـوي والثـوره

ما اروعها من ابيات خرجت من قلب يبكي فراق اعز الناس

وما اعذبها من مشاعر ابن فجعه الزمان برحيل والده بهذه الطريقه

صدقني عجزت ان اكتب اي رد فقد احسست بمدى الالم الذي يسكنك واعتقد ان كل حروفي لن تكون لائقه للرد على هذه القصيده التي تقطر الما ودما

رحم الله والدك واسكنه فسيح جناته ودمر من اراد زعزعة امن هذه الديار

صح قلبك اخي الغالي صح قلبك

[عمر البايح]

الله يجزاك خير يالغالي على هالدره الثمينه

ولكن هل القلوب احياء ام اموات

[طلال الحافي]

المجدد



صح لسانك




وجبر الله حزن قلبك