المشاركة الأصلية كتبت بواسطة فهد نايف
[align=center]إخواني و أخواتي أعضاء منتديات غرابيل.
كل عام وأنتم بخير .
أقدم لكم إحدى بنات أفكاري واللتي أتمنى أن تحوز على رضاكم .[/align]
[poem=font="Simplified Arabic,4,firebrick,normal,normal" bkcolor="transparent" bkimage="" border="outset,4,gray" type=0 line=0 align=center use=ex num="0,black"]
لاتذرف الدمعه ولا تتعب الكوع= إليا متى موقك من الهم واعي ؟
في كل محجر عين للدمع ينبوع= مهما حصل ماظن للدمع داعي
ريّح ملائكتك ترى الخير متبوع= بدري على العذال تلوي ذراعي
بعيونهم لاجيت..شافوني جموع= وإن غبت .. كلٍ يجتهد في ضياعي
لا..لا يهمونك حثالات وفروع= أمشي وتاطى الرجل رووس الأفاعي
لو كل رجالٍ ليا قال مسموع= ماكان فالدنيا رعيّه وراعي
ولو إن قلبي من هل الحكي مفجوع= قطعت جسمي عيشةٍ للسباعي
ودام السبب عذّال... لا تذرف دموع= تكفى .. توفرها للحظه وداعي
لحظه تجي بالغصب والاّ تجي طوع= دام النوى حليف للإجتماعي
إضحك .. ترى كل شي لرضاك مشروع= لو هو سبب تغريبتي وإلتياعي
الاّ الكرامه ...لا .. مثني ومربوع= كرامتي ماتشترى ولا تباعي
شربت كاس العز قرطوع..قرطوع= لين إرتوى منه الجهاز المناعي
ونفرت ذل الراس بالكم و النوع= من موطئي لآخر خلايا نخاعي
واليوم .. متني متن وضلوعي ضلوع= وآرائي أبنيها بحسب إقتناعي
أما تجي والراس شامخ ومرفوع= والاّ طويت من المحبه شراعي
لكن بلغهم... ترى حبّة الكوع= تهون .. مع مشروع لوّية ذراعي[/poem]
رد مع اقتباس
