[align=center]نتواصل بود [/align]
[poem=font="Simplified Arabic,4,black,normal,normal" bkcolor="transparent" bkimage="" border="double,4,black" type=2 line=0 align=center use=ex num="0,black"]
ما يهون الحب لله.. لكن الفرقاء تعله=علة الفرقاء خطيره لكن العودة عوافي
الغلا لك في محله.. لكن أنته ما تدله=لو تدله يا رفيقي كان قلبك لي يصافي
قلبي المسكين حبّك.. والجزاء منك تتله=يوم بعض الناس خانت جيت لك في القيظ حافي
يا غناة الروح.. يا بدري.. ويا شمسي المطله=لو طلبت الروح مني.. سقتها ما قلت كافي
كم ؟ كتبتك في القصيده.. كنت للقيفان حله=كيف يا روح القصيدة ما تروضك القوافي
يوم جيت اطلب ودادك..ليه ما قلتي على الله=كان ما شفتي غريقك.. فوق سطح الحب طافي
ليه يهجرني حبيبي؟ ليه في حبك مقله؟ =ليه تخفين المشاعر؟ ليه قسمي فيك خافي؟
ليه تقسى يا حلالي.. ليه محبوبك تذله=أيه أحبك.. شف عيوني .. تظهر اللي ما يشافي
شف رفيقك كيف حبك.. شف حواليك الأدله=شف حنانه.. شف كلامه.. شف ولا ترجع تجافي
كان قلبك ما يبيني.. ردي الأحساس كله=ما تعودت الهزيمه.. وافي(ن) من صلب وافي
سهمك المسموم يقتل .. وأحذري سيف(ن) أسله=تدعي بالحب لكن.. حبي اللي لك خرافي
الغريب أني أحبك !! والغريب أنك ممله!! =والغريب اللي تعنى يرتجي لأحساس دافي
أنشدك بالله قولي.. لا تقولي ويش ؟؟ ( أقله) =كانها الفرقا.. تقولي بس بأسلوب أحترافي
جاوبي لا تتعبيني.. كل شي وله محله=كان طابت وأنتهينا.. وأنتهاء الشوط الإضافي
لك من الخافق تحيه.. لك من البستان فُله=ما يجيك الضيم مني.. صدقيني لا تخافي [/poem]
رد مع اقتباس
