إخواني الكرام في غرابيل ...
إليكم هذه المتواضعة بعد فترة من الغياب عن صفحات الشعر ومشاركاتكم إبداعاتكم :
[frame="7 80"][poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
روف بي يا اغلى الحبايب وارفع السماعه = وإن رضيت الحزن فيني فارفق بجوالي
لا تراعيني حبيبي بس قلبي راعه = وانشد اللي يعرفون اليوم كل أحوالي
والله إنك لو تذوق الشوق مثلي ساعه= إن يجي موال صوتك يشبه لموالي
كيف أصبّر يا حبيبي نفسي الملتاعه = والوله ما أحدٍ يطيقه جعل ما له والي
كنت أنا ويّاك دايم معلنين الطاعه= وكنت أنا دايم أثبّت للغرام أقوالي
وكنت أنا صدر الحنان لنفسك المرتاعه = وكان فالك مثل فالي وأنت أصلاً فالي
حالي اللي انكسر بعدك ثلاث أرباعه =ما بقى الا الربع فيني ما يسرك حالي
ما نفعني ولد عمي لو يطول ذراعه= في وصالك يا حبيبي ما نفعني خالي
الوكاد الروح في قربك ترى طمّاعه = والطمع عذر الحبيب اللي يحب الغالي
هو صحيح اللي مضى يصعب عليّ ارجاعه = بس قلت ألحق على اللي باقيٍ أشوالي
ما يلام الشعر في بعدك يموت إبداعه = وأنت نبضٍ للقصيد الأولّي والتالي
ولو تكسّر مركبي والا فقدت شراعه = كنت عالي في خفوقك ودي ارجع عالي
شفت هالجمهور لو إنه يعبّي القاعه =دامني برّى خيالك عدني بلحالي !!
ولو يذيعون الخبر في وسط كل إذاعه = ينقطع بث الخبر ويشوش الإرسالي
لأنك إليا ضقت مني دمعتك فزّاعه =وانت أصلاً دون تزعل مشغلٍ لي بالي
الحطب والقاز عندك باقي الولاعه = هاتها وأشعل خفوقي وابسط العذالي
وإلا أنا ما عاد ودّي ترفع السماعه = دامك بتزعل حبيبي والسبب جوالي [/poem][/frame]
شعر : مفرح السبيعي
رد مع اقتباس
-new.gif)
