مدري درادير ازرق الموج وداه
والا كلاه الحوت الحوت يا كبر غلي
يا ليتني دميت بالهير وياه
موج البر فوقي وفوقه يزلي
ليتني تقاسمت الغرابيل وياه
نصيفه حقه وابي نصفهن لي
او ليتني حضرته يوم قربت مناياه
ما كان يا مشكاي بالقوع خلي
ويوسف خطف بشراع وأقفى وخلاه
وانا اموصيته على جبرتن لي
الله يسود وجه يوسف وجزواه
ما ذكر دمعي وسط حوشه يهلي
جتني هدومه بعد عينه مطواه
لا وفق الله محمل جابهن لي
ليته ورا سيلان والهند مرباه
وارجى اجيبه لي شراع امعلي
البندق اللي عندنا له امخباه
نقالها بعده لعله ايولي
صلاة ربي عد ما حل طرباه
واعداد ما سار القلم بالسجلي
الطيب اللي للقرايب يهلي
رد مع اقتباس