-

السسلآم عليكم , كيف الحآل إن شآء الله طيبين :smilie47:

اليوم موضوعنا عن العلامات التجارية للشركات والمنتجات الكبرى
ماراح أسهب بكل شعار ولا راح اقول قصة تأسيس الشركه ومادري ايش , كل هالكلام مايهم
اللي بنتكلم عنه هو فكرة هالشعار , وأيش يعني وليه صمم بهالشكل
كم شعار وشعار نشوفه ونقول جمييل وحنا ماندري وش معناه
ويالله تربطو نبدا فيها واحد واحد










شعار شركة نايكي للمنتجات الرياضية , بوجهة نظري أنا انه من اجمل الشعارات اللي اشوفه
وعلامه تجاريه كبرى اصبحت بالسوق , والسبب بساطته وتميزه واللي يرمز لعلامة صح


اسمها كارولين دافيدسون , وقصته عجيبه جدا وقصة هالتصميم
هي كانت طالبه جامعيه وتعرف للجرافيك وحركات التصميم , جاها مدرس محاسبه اسمه فيل نايت
فيل نايت هذا كان عنده شركه للمنتجات الرياضيه , وكان بيفتح خط انتاج جديد بأسم جديد
ومحتار وش يصمم شعار واسم , فقاله صممي لي كم شعار على ذوقك
قالت له خلاص ابشر بس بشرط , كل ساعه بشتغل فيها عندك على الشعارات بأخذ دولارين
قالها تم مب مشكله , بعد فتره قصيرة جت عندهم للشركه ومعه كم شعار , وقالت اختارو
اتفقو الأداريين وقالو بنختار هذا اللي فيه علامة صح , فيل نايت صاحب الشركه ماش ماأقتنع
وقال لهم
I don’t love it but I think it will grow on me
ومعناته , انا ماأحب هالتصميم , ولكن اعتقد انه سوف ينمو ,,, قصده بالمستقبل يعني
المهم وأستقرو على هالشعار خلاص
وش بقى ؟ بقى حساب هالمصممه
كم حسابه ؟ جتهم ام الشباب معه فاتوره شغله ب 35 دولار
اشهر شعار بالعالم , واللي حاز على جائزة اشهر علامه تجاريه عام 2007 تصميمه ب 35 دولار

طبعا بعام 83 ميلادي , يوم قامت الشركه على حيله , راح فيل نايت وعزمها بالشركه وقدم لها خاتم ألماس
وعطاها كم سهم بالشركه عرفان وامتنان له لأن نص شهرة المنتج من هالشعار
ولو انهم ربعنا كان سبحو عليك

واللي حاب يشوف تكريمه
اضغط هنا

طبعا فيه شي مهم لازم نشير اليه بتصميم هالشعار
ان هالشعار مأخوذ من آلهة النصر الأغريقية في الأساطير القديمه , وموجود تمثالها
في احد المناطق الأثريه في تركيا
وهذي صورته















اديداس وهي الشركه المتخصصه بالملابس الرياضيه
وهي تعيش في صراع دائم مع نايكي بالأستحواذ على سوق الملابس والمنتجات الرياضيه
يرمز شعار الشركه الى الجبل , وترمز الخطوط الثلاثه المعروفه بها اديداس الى الأداء المميز
والوصول والتفوق في الصعود
وايضا هو يقسم شركة اديداس الأم اللي اساس هي تتكون من ثلاث شركات
وشعار اديداس القديم كان



ومعلومه اضافيه ,, مؤسس اديداس هو شقيق مؤسس الشركه الرياضيه المعروفه بوما
وكلمة اديداس Adidas مأخوذه من اختصار لأسمي أدولف أدي داسلر" وأخيه "رودلف رودي داسلر
اللي أسس لاحقا شركة بوما الرياضيه













ومن مايعرف اشهر شركة بترول شل

طبعا لو تدققون بالشعار بتجدونه يشبه الصدفه مع الخطوط والتقويسه
والألوان المختاره , كانت بسبب ان الحاويات اللي كانو ينقلون فيها النفط كانت ملونه بالأصفر والأحمر
وايضا اللونين يشيران الى لون الشعله , ويرتبط هالشي بالبترول عند الأحتراق
وايضا هما الوان لعلم اسبانيا , ولأن مقر الشركه كان بكاليفورنيا وكانت مليئه بالمستطونين الأسبان

شوفو تصاميمه اللي مرت عليها هالشركه الين وصلت للي وصلت له اللحين
















شعار جوجل شعار يشاهده ويدخله الملايين كل يوم
ومن اشهر الشعارات حاليا ودائما يمر على العين
كلمة جوجل هي تحرف لكلمة googol وهالكلمة اخترعها ملتون سيروتا وترمز الى واحد وبعده 100 صفر
يعني حطو رقم واحد وجنبه 100 صفر يجيكم معنى كلمة جوجول
وهي ترمز طبعا الى استطاعة محرك البحث جوجل الى البحث في اي عمليه بأي وقت وبأي مكان
وبأي كمية معلومات , كم هائل من المعلومات ومن البحث في لحظه واحده
وبعذرنا نسميه العم جوجل






يتبع