مرحبا بنات..
نوال الزغبي صورت حلقة حق سهرة راس السنة على قناة أل بي سي.. وكانت لابسة فستان لحفلة راس السنة بس للأسف صورة مو متوفرة.. المهم بعد ما انتهت من البرنامج طلعت واستقبلوها المعجبين وصوروا معاها..
أخليكم مع الصور..

تنبيه: وقبل ما أحطلكم الصور حبيت أقول ان نوال غيرت صبغ شعرها، اللون الي مصبغته روعة وعلى فكرة هذي الصبغة موضة 2012 والي صابغ لها معروف " طوني مندلق " الي كان مع نوال من بداياتها وياما قص وصبغ لها ولغيرها من الفنانات العالميات. لكنه تربطه مع نوال صداقة وأكيد يعرف شنو الأنسب لها.. اخذوا صورة نوال وروحوا لأني صالون وخل خبيرات الصبغ والشعر يشوفون والكل راح يقولون لكم ان هالصبغة موضة 2012 لموسم الشتا


تنبيه ثاني: رجاء حار من بعض الخوات الي يقولون هالجملة الأزلية والي لاعت جبدي وانا اقراها مليون مرة كل ما أحط موضوع عن صور نوال وهو: " خربت روحها بالعمليات " اوكي خلاص خلي تخصصج الطبي النادر لج وعلقي على اللوك ككل..

والحين اخليكم مع الصور:






بذمتكم في فنانة عربية تطيح الميانة جذي غير نوال؟ أنا أتحدى وأتحدى وأتحدى، من خلال تجربتي البسيطة قابلت وايد فنانات منهم أصالة ونانسي واليسا ومايا نصري وشيرين وجدي وديانا حداد وجها لوجه والحقيقة تقال نوال كانت الأكثر عفوية وتحسسج بأريحية وتطيح الميانة وياج وسوالف لا وملسنة بعد يعني ماتعطيج مجال انج تستحين لانها تسولف أكثر منج.. واي فديتها ما انسى قعدتي وياه بهلا فبراير 2005





حبايبي نوال صارلها بالفن 14 سنة يعني مو سنة ولا سنتين ولا 5 سنوات... تعرف شنو الي لايق والي مولايق عليها سواء من شعر ولبس واختيارات اغاني اهي مشالله عليها بروحها ذويقة من غير ولا شي ولا تسوي أي شي يضرب ويتقلد وتسبق الموضة قبل حينها وهالشي الكل ملاحظة عليها... وياما فنانات لبنانيات اعترفوا بهالشي منهم هيفا وهبي والين خلف ومايا دياب ووعد




شييييييك وليدي حدددددها >> الجنطة رووووووووووعة




أنا بفهم هذي متى تمتن؟ من أول ما اشتهرت وعرفوها الناس عدل وهي على نفس الوزن لا زايد ولا ناقص... فنانات وايد كانوا غصن لبان ومتنوا بعد الزواج او بدون ولا شي وهالنوال الوحيدة الي ما تمتن..




مع المخرجة والممثلة ماغي أبو غصن..




ميك اب عيونها يهببل... حدها رزة وفيها نضووووج

ويلوموني ليش حبيت نوال واناقتها..... :eh_s(7):

وسلامتكم :eh_s(17):