السلام عليكم ورحمة الله وبركاته
اما الان معا الطالب هجوووووله
<<<<<<<<<< متاثر بالطابور الصباحي
المهم
في يوم من الأيام البايخه الي زي الايام الباقيه زي قلتها وتوني صاحي من النوم مفجوع احسب السقف يخر من المطر
ولا احد كاب على وايت مويه مادريت اني غرقان بسعابيلي ابتداء بالمخده وانتهائ بصالة الحريم الدور الارضي
<<<< تكفي يالي ساكن في ناطحه كسرو علي اهلي الباب ودخلو يحسبوني ميت سمعو صوتي وانا اصايح
والاطم امواج السعابيل واصرخ بصوت شديد (هيلب مي) دخل علي ابوي وقعد يشوتني
وامي تهاوشه تقول لاتعقد الولد يامناحي قال رجال كبر الحمار سعابيله تخرخر علينا شارع بيتنا
صار شارع تجاري كله سباكين بسبتك يالثور انت وهالغدد البايخه ركب لك عوامه وفكنا باللحجي
طبعا انا ساكت له لانه يمون وبينا عيش وملح فماودي اقلب عليه لاني انا الخسران بالنهايه ومادريت الى اخوي
الصغير جايب له سناره وسطل وكرسي بلاستك ومتكي عند الباب يحسب انه في بحر الله العالم ماينلام والله
من كثر السعابيل واخوي الكبير مستغل الموقف وقاعد يصور بجواله ويقول عمك من الابطال عيال مين
وانسرق من بينهم واقوم والبس صريوييلي وفنيلتي
وانا منتعود من كثر مايمر علي هالموقف مبزرة الحاره يتجمعون في غرفتي والعالم
والتلفزيون السعودي والسي ان ان والبي بي سي والسارس <<< وشي ذي
متعود الملم شتاتي واطلع من البيت والحاره كلها ما ارجع الى اخر الليل
دقيت سلف الدتسن حقي (غماره 98) نسافات بلاستك تتكسر ترى لاحد يشتريه
طالع ما ادري وين قرنبعي بينطلني ماوعيت الى انا في شارع الحمرا في دبي (قويه :غمزه: صح ماتمشي)
خلوها اجل على الدايري وماشي مكيم على الدايري وماسك سيد الطوارئ ومشغل خالد عبد الرحمن تقوى الهجر
وقاعد افكر في نفسي وفي حضي المتنكس والمسجل مقروش امي كل شوي يقول طق طق طق
وكسرت ظهري هالمرتبه
نصيحه:- تبي مرتك تالد بسرعه ركبها وهي في الشهر السابع اي دتسن ويستحسن يكون غماره وخذ فيها لفتين
بشوارع السويدي ويستحسن لو تخليها تسوق في البر عشان تحرك جميع عضلات الجسم
مع التعشيق وتحريك اليدين والكلتش عشان تورم رجلها اليسار
والي يبي خويته تصقط يركبها وهي في بدايات حملها ورب الكعبه لفتين بس تلقى الورع محضر عند الرجلين
وانا غارق في خيالي الفاشل مر علي راعي كامري وحلت علي غرشة صحه مكتوب عليها مياه هنا
دخلت علي مع الدرشه لاني كنت خاش جو مع صوت الهوا عشان يغطي على صوت طقطقة المسجل
واخذ الغرشه واشوف مافيها الى نص قلت مالت عليهم امحق دعايه واناضر فيها احس انها وصخه
فيها قطيعات صغاااااااار لونها بني وبيج قلت اكيد هذولي ينغفون ويحطون بالغرشه
<<<< عاقل مايعرف وشو العرق على قولة المستشار يقول جنفر لوبيز يوم زواجه يحشش هروين
ههههههههههههههه بالله المستشار :هاها: زقارة عرق الله لايهينك ولا نص ربع بلاك
على طاري النغاف سقف الدتسن كله نغاف طب وتخير بس الواااان واشكاااال
وانشالله في المستقبل القريب ناوي البس الموتر كله من داخل نغاف بمافيه الطبلون الدركسون والبيبان
هذولي احسن مني ينغفون بغراش
المهم وانا كمل دوراني وصولاتي وجولاتي ماخليت شارع في النسيم مامريت عليه ماخليت صبه ماجلست عليها
شوي ويدق علي الجوال رقم غريب <<وشفيك خايف مسوي قوي انت ووجهك
رديت الاه صوت وحده يهفهف شعرها طويييييييييل لين هناك(مسوي شايفها هو وجهه) :هاها: قالت انت هجووووله قلت تفضلي طال عمرك وصلتي خير
قالت بالله ياهجووووله المويه مقطوعه عندنا وعندي قطوه ابيك تسبحها بسعابيلك واسمع اصوات عندها ضحك
ووحده تقول سجلتي سجلتي والثانيه تقول بالله قربي السماعه بتغر في وجهه
واقفل السماعه بوجهها وادق لطمه وبغيت اطب من كبري على الدايري مالها داعي العالم تتريق علي بسبة سعابيل
خلهم بكره يقولون انتحر بسبة سعابيله
واتعوذ من بليس واخذ لي زقارة حشيش واهون ماطبيت وارجع للبيت الساعه ثلاث واشوف لمات البيت كلها مولعه
من يوم دخلت الحاره وانا اشوف سطعة الكبس حقنا واشوف وايتات شفط وصرف صحي واسعاف
واشوف اخوي واقف عند الباب لابس سروال سنه وفنيله علاقي يوم شافني وياشر لي بعصا المسلته
قاعد يسلت الحوش المسيكين يوم شفت ان الدعوه كذا وانا الي اعفط ام الطاره واعود مع دربي
مايستفاد من القصه
1_ ان الحب من طرف واحد مايصلح
2_ان الببسي احسن شي لاتخضه
3_ان الذيب ينام بعين ويغمض بعين
4_ناموا زين ياحبايبي
هجووووووووووووله