[poem=font="Simplified Arabic,5,black,bold,normal" bkcolor="transparent" bkimage="" border="solid,4,gray" type=1 line=0 align=center use=ex num="0,black""]
كنت احسبني صح حسب اتجاهي=وانا بعكس اللّي قصدته وأظنّه
اللّي رعاه الهم ماهوب ساهي=اليا صحى من غفوته جّرونّه
وليًت ياوقت العنا والدّواهي= سنيت بأحوال الاجاويد سنّه
قصرت في حبلٍ على الجمّ راهي=وفي كل يوم الحرب صوبي تشنّه
هاجمتني في غفوتي وانتباهي= وبذلت جهدي ما لأحد فيه منّه
خليت فكري في مشاكلك لاهي=لادون نار ولا على باب جنّه
دفعت لأجل الصلح مالي وجاهي=وباقي على طبعك ولاجزت عنّه
نوبن تكلّمني كلامٍ فكاهي=ونوبن جرس شعوا الحرايب تشنّه
لاقلت ياهي قلت وشلون ياهي=كيف المطابع عندنا يطبعنّه
حنّا لغتنا غير لو قلت كاهي=حسب الطلب لاجل اللّغه ترجمنّة
قلت انت من خوّلك وامر وناهي=قال اللّيالي المقبلة يكشفنّة
اسمه يبين فوق عالي الجماهي=وعجزن مقاديرالزمن يجدعنّه
قلت انت بأفعال الجرايم تظاهي=واللّي طوته الصّحف مارجعنّه
كنك على قتل المشاعر تباهي=ومن ظلمك القاسي بقت مستكنّه
بحر القصيده غير والطّرق ناهي=والياعرفت اسم البحر قلت غنّه
[/poem]
(الشاعر:هايف العطاوي)
رد مع اقتباس
