السلام عليكم ورحمة الله وبركاته
يسعد لي مسائكم مع صباحاتكم
هذه مجاراه بيني وبين الشاعر فهد بن مقبل بن ثعلي العضياني
ويقول فيها[/color]
[poem=font="arial,4,red,bold,normal" bkcolor="transparent" bkimage="" border="solid,4," type=0 line=0 align=center use=ex num="0,black""]
انا يالقبوري والله اني طويل شبوح=امد النظر قدام والنيه النيه
امد النظر واخايل البرق يوم يلوح=وانا هاجسي يشعاه تسعين جنيه
حلالاه يا مسراًَ ًُ يقرب وليف الروح=يقرب وليفٍِ ماسكن فـالسعوديه
وليف يداوي علة الهايم المجروح=يداوي محبٍِ بيح الحب خافيه
محبٍِ يبا قربه وشوفه بدون اشحوح=يضمه على صدره ونار الغلا حيه
وعطر المحبه بين بيض القلوب يفوح=ولا تسمع الا كله هرجه بحنيه
هذي والله اللي عقبها خاطري مشروح=والاوضاع تصبح كلها ميه الميه
والا ياحمام الورق ياللي تجر النوح=تجره طرب ولا تجره لاعانيه
اليا قمت تعزف صوتك الهادي المبحوح=تحرك همومٍِ داخل القلب منسيه
ابي ان كان تم الوصل من خلي المملوح=تغني وتزعج باللحون الغراميه
ولن كان ماتمم وزاد الجروح جروح=تجر اللحن وتجر فالقلب مرثيه[/poem]
وهذي مجاراتي لــه
[poem=font="arial,4,,bold,normal" bkcolor="transparent" bkimage="" border="solid,4,firebrick" type=0 line=0 align=center use=ex num="0,black""]
الا يالعضياني زمنا عيونه لوح=له اسنين شاين يلحق الكيه الكيه
وانا مثلك اشكي من فراق الغضي وانوح=واغني عسى عقب البطا تقرب الجيه
فراقه على حالي مبين بكل وضوح=والانظار ترقب جيته كل عصريه
ترا يالغضي مالك ورا كيتي مصلوح=ولالك مصاليح على الصد موليه
والا ياحمام جر الالحان فوق الدوح=لحونك تنزل دمعتي فوق خديه
اليا قمت ترثي فالعضياني المجروح=اسايلك بالله جر مرثيته فيه[/poem]
وسلاامتكم[/QUOTE][/SIZE]