ياهل الجميح اللي يخم الدهـو خـم = اخـــر تصـامـيـم الـعـقــول الـدهـايــا
يـوكـن دينـالـي للمـسـاري مصـمـم = يجـمـع مــع التصمـيـم زيــن المـزايـا
اليا نحرلـك ويـش ذا الوجـه الاطخـم = والـيــا تـقـفـا مـثــل ذيـــب الـحـوايـا
والياعـرض مشـي الهـنـوف الملـثـم = مـزيـونـة ســـوت بـقـلـبـي ســوايــا
واليا اشتغل يطرب على صوته الصم = امحـصـنـن عـــن مخلـفـيـن الـنـوايـا
اخذوا خطابي ياهل الجمس الادهم = ولانتـم بحـاجـة مــن يـوصـي وصـايـا
وسـروه مـن جـده مـع اليـل الاظـلـم = والصـبـح فــي حـايـل ديــار الطـنـايـا
قدامكـم حايـل جـلا الضـيـق والـهـم = اديــــار شــمــر متـعـبـيـن الـمـطـايـا
وقدامـكـم زوبــع وعـبــده والاسـلــم = وســاع الطـعـون مكـبـريـن الصـنـايـا
وقدامكـم كلمـت هـلا ومرحبـا ســم = والــعــود الازرق والــــدلال الـركــايــا
قـسـم لـهـم يـومـن الارزاق تقـسـم = وهبـه مــن المعـبـود جــزل العطـايـا
وانشد عن الخمسان واقلـط وسلـم = وفـك الخـطـاب الـلـي بــدا بالتحـايـا
ثـم قـل لبـو نـايـف مجـمـل وتسـلـم = يالـطـيـب الـنــادر كـريــم السـجـايـا
مـاهــي غـريـبـه والجـمـايـل تـقــدم = والطيب لهـل الطيـب سـاس ومزايـا
غمـرتـنـا بالـطـيـب يـالـحـر الاصـــرم = حــــر مـنـازلــك الــطـــوال الـعــلايــا
ورث لـبــوك ومـــن عـلـومــه تـعـلــم = وجـدانـك الخمـسـان فـخـر الطـنـايـا
قـسـم لـكـم يـومـن الارزاق تقـسـم = ياهـل الخيـول اللـي تـقـود السـرايـا