لي في حكاية حبنا وجهة نظر
................ بقولها وأرجوك لا تزعل علي
قلبي مع الأشواق ما عاده خضر
................ وما عادني ذاك الحبيب الأولي
بتقول لي هالحين ما عندك نظر
................ وفّر كلام اللوم واسمع ما يلي
تعبت أشوف الحب فيني يحتضر
................ وأبغى أعيش العمر والخافق خلي
مانيب لك ذاك الحبيب المنتظر
................ ومنتب بعد أغلى عليّه من هلي !!
قررت أسوي للهوى فيني حظر
................ وأنّي أغنّي : ( يا بلادي واصلي )
ما عاد يفرق غاب طيفك أو حضر
................ ذبحت لي من بعد نسيانك طلي !!