#1
رد: على قصيده( حصه والمكياج)
بسم الله الرحمن الرحيم
سبق وان قدم لنا الشاعر مقبول الشيباني قصيده حصه والمكياج
ف ليسمح لي بطرح قصيدتي في موضوع مستقل (فكاههxفكاهه)
قصيدة الشاعر: مقبول الشيباني
الله يخلي لك المكيـاج ياحصـه اللي يحـل الوجيـه المشبهانيـه
منتي بربع الجمال ولنتـي بنصـه ولنتي بحوله ولاله فيـك ماريـه
مافيك غير انك من الرز مرتصه ولاطرو المترفات اقـول عاديـه
لو كحلت عينها لو كدت القصه ماهيب حول الحلا ولاحراويـه
يومنها بصت وساقتلـي البصـه بغيت الق الخلا وحـط رجليـه
شيفه ومغروره وبالحيل منشصـه تخيل انها كما اريـام الخليجيـه
هاذيك هي من يزود غصتي لصه لاشفتها قلت حي الزين ياحيـه
الزين فيها وهي بالزيـن مختصـه غطت على اجمل فتايات السعوديه
ـــــــــــــــــــــــــ ـــــــــــــــــــــــــ ـــــــ
ردي عليه:
مقبول يا سيدي ياشين ذا القصه ضلمت بنت البلد وحصه سنافيه
تقول مــا فـــيك لا ربــعه ولانصه وكلاً من الزين لا بد ياخذ شويه
وإن جيتني تذكر المكياج وتخصه الـزين بـين ولا يحـتاج لــه شـيه
وإن كان حصه بعينك كنها جصه اظن عينك عن الأجواد معـميه
الرز لـك تـطبـخه ياعـله الغـصـه ما يقنعك غيره من الاكل شعبيه
والجوهر اصلاً جمال الروح في شخصه لا غاب بعض الجمال يصيرفوقيه
يكفي شريفه نظيفه طاهره فصه ماهـي من اللي يديـرن الفـضائيه
كنك نسيت البلا لا بان بالعفصه تبـي تسلـى ولا ضــنيت لــك نـيه
وأريام لو شفتها بالكحل ملتصه الله يخــلي لــها المــكياج كــليــه
كلاً ينادي على ميعاد للحصه وعيـادة الـزين باهـل الفـن معــنيه
تكبير، تصغير،حتى اللون له بصه جمـال زايـف وحــتى دون عـاديـه
ويا زين نوره وساره ثم بعد حفصه وأخـص بالزين انا بنـت السـعوديـه
يا حيها والله وحيو بعد حصه في زيـها لا اقبـلـت بالعـقـل مكـسيه
والمعذره سيدي طولت بالقصه وش عاد ذنبي وانا من اصل نجــديه
وأغار لا من سمعت بجارتي لصه وأحـب أكـون بمكـانن فيـه مرضـيه
ـــــــــــــــ
دمتم بحفظ الله ورعايته
ودي لكم: اللؤللؤة
رد مع اقتباس
