[rams]http://www.angelfire.com/nm/hanno/athb.ra[/rams]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالحنونة ودي أكتب يالحنونة = بيت شعر ماتجيب الناس زيه
بيت يحكي شاعر خابت ظنونه = ضايع ٍ مابين ذيك وبين ذيه
كل مالد النظر عينه تخونه = والجروح بصدره مازالت ندية
كني إللي ماقدر يرفع متونه = كل مازاد الحمل ضاقت عليه
من يصون القلب قولي من يصونه = دام صار الحب في عرفي اذية
كل ماجيته يعقد لي جفونه = وإن قربت شوي شب النار فيه
والمصيبة واجد إللي يعشقونه = يحسبونه وافي ٍ في طيب نية
مادروا عن هالغرام اللي يبونه = كم به نفوس ٍ من أسبابه شقية
ناس ماتت والسبب لذة طعونه = جربوها وكانت الطعنة قـويــة
وبعضهم بانت طعونه في عيونه = يحسب الخطوة على درب المنية
واليباس يحل في أخضر غصونه = في هواها تموت وردة نرجسية
ساس حبه بالهوى جو يكسرونه = ناس ماخافت غضب رب البرية
جا يصيح القلب لا لا تعذلونه = كافي إللي شفت ما أبغى لي وصية
بحرس القلب المشقى في حصونه = ما أبي عشق ٍ يزيد القلب كية
وإن حصل عشق ٍ بصك الباب دونه = دام مال الصدق فالعالم هويــة
فالح الشلوي[/poem]