السلام عليكم ورحمه الله وبركاته

تراني وحده ما اعرف اكتب مقدمات << صريحه البنت

الموهم و الاهم من هذا كله يا حلوين


اختكم جربت خلطه على شوشتها والنتيجه فتاكه
ومو اي شيء يناسبه للاسف
جربت فيه لحد ما قال بث




وهالطريقه الحمد لله وبفضل الله ناسبتني

فتحوا عيونكم يا حلوين
اللي خايفه من الطريقه
تجرب الخلطه على خصله من شعرها وتشوف النتيجه
وعسى الله ييسرها لكم و تناسبكم مثلي


واللي ما تناسبها
السموحه منك ما حبيت اضر احد لكن
حبيت افيدكم مثل ما استفدت
ويشهد الله علي اني مجربتها على نفسي قبل ما اكتبها

الطريقه انك تخلطين ما يلي
ملعقتين نشاء
مع ملعقتين شحم مذوب
وملعقتين سمن اي نوع
و2 ملعقه نسكافيه و ملعقه خميره وملعقه خل تفاح
وزبادي الكميه اللي تحبينها
واحركهم ثم اضيف :
مغلي ماء المريميه او ماء مغلي عادي
واخلط معاهم 2 ملعقه سدر و 4ملاعق حنه واهم شيء يكون الخليط وسط (لاهو ثقيل ولا سايل)علشان ما يبهدل ملابسك
اخليه بشعري ساعه
بالكثير ساعتين واغسله
بشامبو كلير


بعدها
اخلط شويه من عطر زيتي
((استخدمت مسك روز من اجمل)) مع ماء ورد <<لتغطي على ريحه الحنا
واغسل فيه بالاخير

و
امشط شعري على السريع
واربطه
ثم
استخدم اللفافه العاديه للشعر علشان
الفه من ورا
واخليه لحد ما ينشف
ثم افكه

و ماشاء الله تبارك الرحمن
صار ناعم واللمعه من الحنا روووعه
والاطراف كيرلي بطريقه مرتبه



اللي عجبها الموضوع وكسلانه انها ترد
ما عليها الا تنسخ هالعباره
الله يفرح قلبك و يكفيك شر كل حاسد وكائد وحاقد
وعسى الله يوفقك وييسر كل امورك
في دراستك و زواجك وكل حياتك بخير وفرح.




.............................. ...................
ولكل اللي ردوا من بنوتات عالم حواء
الله يفرج همومكم ويفرح قلوبكم
ويعطيكم من كل خير وفرح فوق ما كنتم تحلمون فيه بيوم وعسى الله يسخر لكل وحده زوجها واهله ويسعدهم
واللي بنوته مثل حالتي عسى الله يسخر لها الزوج الصالح المناسب الكريم الحنون عليها الغني بماله واخلاقه الحسنه اخلاقه و خلقته اللي تعيش معاه براحه بال واستقرار وفرح