***
**
*
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
حبيبي طوّل غيابك عــسى ما شر=تسع مرّت وهذا عاشر الأيام
وانا لاقلت فاقوالي حشا تزور=عشر ايام عنواني بهالايتام
أسى ،وحشه وحالٍ ذاب وتدهور=و ما زادت حياتي غير فالارقام
عشر ايام قل اعوام لا اكثر=ولكن في موازيني بلا اقيام
تُرى وينك يامالك وردي الاحمر=لاجيت اهدي تعابير الهوى كلْ عام
عقبك الليل //عيني خايفه تسهر=بليل صمته القاسي بجوي حام
تلبست بغيابك زي له منظر=وله محظور كنه هيبة الاحرام
جعل بيني وبين العيش خط احمر=وسمى بسمتي دونك خطا واجرام
حقايق تو بانت لي وتو تظهر=ولولا غيبتك مانكشفتَ الاوهام
عرفت إن الصبح ماهو ضيا ونوّر=ولا إن السكن في الليل بالاظلام
ومهما كنت تبقى نصف لااكثر=ويبقى نصفك الثاني لتصبح تام
رهين انسان حبيته وصار اكبر=همومك لو يغيب ايام تلو ايام
محال اصمد ولو حاولت أتجبر=دموعي فيك مذروفه وبالإرغام
عشر ايام ماشفتك بعيد الشر=ونا جفني رفيقٍ للسهر ما نام
انا مدري وش الي ماابقى اتاثر=ولا سالم تصدق حتى هالاقلام!
واذا ودك تشــوف احوالي اتصور=حديقة ورد ما تسقى بطول العام[/poem]
فهد العتيبي
**
*