[poem=font="Arial,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
راع الهوى دايم يجر المواويل=قلبه يحط من الهموم ويشيلي
ما دامت اني بالعنى ساهر الليل=لن طال يومي بالعنى طال ليلي
أمرار اقول .. إيجي للأيام تعديل=وامرار اقول .... الله يا ويل ويلي
من واحد(ن) سبة جميع الغرابيل=ليته تبلى فالأوآدم بديلي
يا صرختي زيدي عسى يسمعك حيل=ويا صمت قلّه فالزمن وش بقيلي
ويا ونتي خليه يوحيك من ويل=ويا دمعتي من فوق الأوجان سيلي
ما أدري طلعت إل ناس عالين بالحيل=ولا نزلت لجيل ماهو بجيلي
أشكي عليك الحال يا نجمة سهيل=من واحد(ن) ما جا .. بما يستوي لي
لا موفي الوزنه ولا موفي الكيل=وإليا عطى ما يعطي ألا القليلي
حمّل فؤادي بالهوى والهوى شيل=مالي يكود الصبر .. والله وكيلي
اللي من أول ما يجي بيننا ميل=وآنا معه خل(ن) لقاله خليلي
واللي من أول لا ضحك مبسمه هيل=واللي من أول لا بكى يشتكي لي
الصبر من قولة هل الشام في غيل=والحظ من قولة هل النيل نيلي
اما عطو قلب المولّع تعاليل=ولا دخيل الله .... خلّو سبيلي
يا طعنة الفارس ويا ركضة الخيل=لا تجعل النيره براس الفتيلي
أخاف من قولة فتى شاله السيل= ضلى بعز .... وحوله في نثيلي
[/poem]
رد مع اقتباس
