يسعد مساااكم
تقبلوها .. رجاءَ أن تجد مساحة في قلوبكم
[poem=font=",5,purple,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
من اللي يوصل المترف .. وأعدّه من طيور الشوق=وأحمّله الغرام .. وشوق قلبي .. والوله .. والتية
لعل يحس في حالي .. ويرحم قلبي المحروق=وأعيشه باللقاء ليلة .. وأكحّل ناظري وأرويه
سكرني عشقه لحد الثمال .. ولانويت أفوق=مادام إني على عزّي عزيز .. وخاتم ٍ بيديه
يورّدني على حوض المنايا .. والمشاعر نوق=مرابعها .. هدب عينه .. وذبّل لوله .. وخديه
كفاه غياب .. والزفرة تجول .. وتجرح المعلوق=بري حالي .. وأنا في كل ليل يشوقني طاريه
كثر مااوله .. وأحس بحاجته عقب البطاء وآتوق=كثر ماحرّق أجفاني سهر عيني .. وهي ترجيه
تفوح دلال قيفاني غلا .. وأزلها طاروق=وأصبه في فناجينه ضمى .. وأمدها .. وأسقيه
يهيّضني هوى النسناس .. وحروف القصيد تروق=مضى ثلث .. وبقى ثلثين ليل .. أسامره وأسريه
فديت الجمر .. والثلج الندي .. والسكر المنطوق=جمال ٍ مايمرّه كل حرف ..ألا يقول .. أحييييييه
فديت الجيد .. وإشراقة نحره .. وعنقه المنتوق=شذى ورد .. ومداهيل السبيب .. وفتنة ٍ تغويه
جديل ٍ في مفاريقه ..دجى ليل ٍ .. شعاه بروق=بلا موضه .. بلا قصة فرنسية .. بلا كاريه
كفاية .. كل مافله كذيّا .. وإنتثر من فوق=تميل أرقاب خلق الله معه .. يالبّه وسعديه
فديت عيونه النجل ..وتعكّش رمشه المطروق=تسلهمهن ينبّش كل قلب .. ويخبره خافيه
كذا .. كله على بعضه .. مغلّـف بالحلا والذوق=قصب سكر.. كرز .. توت.. وعنب.. ياخوخه وكاديه
صحيح إن الغرام إجرام .. ويسوق الهواوي سوق=مثل ماساقني شوق الحبيب .. وقلت يالبّيه
أمانه ياطيور الشوق !!! طيري ياطيور الشوق=وأحملك الغرام .. وشوق قلبي .. والوله .. والتية
لعل يحس في حالي .. ويرحم قلبي المحروق=وأعيشه باللقاء ليلة .. وأكحّل ناظري وأرويه[/poem]
محبكم[/QUOTE]
محمد بن معتق بن صخيبر
رد مع اقتباس
اقتباس
المشاركة الأصلية كتبت بواسطة محمد بن صخيبر
