الهلال يخرج من البطولة الاسيوية

**أبوعبدالرحمن** · 20-10-2010, 10:43 PM

بعد خسارته من ذوب آهن الإيراني 0 / 1
الهلال يودع دوري المحترفين الآسيوي

ودع فريق الهلال السعودي بطولة دوري المحترفين الآسيوي بعد خسارته من ذوب آهن الإيراني 0 / 1 اليوم في إياب الدور نصف النهائي للمسابقة وذلك على إستاد الملك فهد الدولي بالرياض .

وكان الهلال قد خسر بنفس النتيجة لقاء الذهاب في إيران .

وبهذه النتيجة يلتقي ذوب آهن الإيراني مع سيونغنام الكوري الجنوبي الذي تغلب على الشباب السعودي 1 / 0 اليوم في كوريا الجنوبية في المباراة النهائية للمسابقة يوم 13 نوفمبر في العاصمة اليابانية طوكيو .

**نـــادر** · 20-10-2010, 11:55 PM

هاردلك للزعيم

**كاسب العز** · 21-10-2010, 12:38 AM

عوضوها في الدورى

هذه نهاية التفخيم الاعلامي لمستوى متهالك

**غلا الروح** · 21-10-2010, 01:04 AM

هاااااااااااااااااااااارد لك للهلال
تحياااااااااااااااتي

**علي مسرحي** · 21-10-2010, 04:25 AM

يا حليل اللي يتشمتوون

لقو فرصة ع الزعيم

وشو رايكم نتسلف جمهور نادي التصويت العريق
يصوت لنا عشان العالمية

المهم

الهلال لم يقدم المستوى المطلوب منه ابدا

انعدام للروح عدا رادووي
وعدم شعور بالمسؤولية عدا رادووي

نعترف ان هذا مو هلالنا اللي تعودنا عليه

الفرق الايراني كسب الذهاب والاياب واستحق التأهل بكل جدارة

هارد لك الهلال والشباب وحظ اوفر

والقادم افضل باذن الله

**غلا أبوها** · 21-10-2010, 05:38 AM

هارد لك آبو دحووووووم ومعووضين بالدووري وخسارتكم شبيه الريح

**عزوز** · 21-10-2010, 05:38 AM

هآردلك للهلال

والاعلام والمدرب سبب الخسآره

الكبير يبقى كبير

وللمعلوميه البطوله الاسيويه القادمه تبدا بعد أربعة أشهر

وأن شاء الله البطوله هلاليه

**غلا أبوها** · 21-10-2010, 05:44 AM

ههههههههههههههههههههههههه ههههههههههههههههههههه

ودآآمها بتبدآآ بعد آربع شهور هي لاتحلم آن الهلال بياخذ آآسيا هع هع هع

**شرقاوي** · 21-10-2010, 06:05 AM

حظ اوفر للزعيم والليث واقولهم الكبير يبقى كبير

وماعليكم من اقاويلهم...

تحيااتي

**جميل الثبيتي** · 21-10-2010, 08:52 AM

رياضتنا كلها للخلف در

وش ترجون من قوم يكمموا الأفواه ويقولون عطني فلان وفلان لا وأخرتها يطلب من مجلس الشورى تحري الدقة مجلس طوله وعرضه غلط والرياسه صح

من ظن أنه فوق النقد فاليجلس بديوانيته ويأمر خدمه

واليريح ويستريح

من ثمانية المانيا وحنا على يقين أن رياضتنا في خبر كان
كنا نعاني من ضعف الدفاع وصرنا نعاني من الدفاع والهجوم

بخطط مدروسة جدا جدا

**مجرد احساس** · 21-10-2010, 01:00 PM

اول شي الحمدالله ع كل حال وهذي كره القدم فوز وخساارة

ثاني شي واهم نقطه تنظيم البطوله بالله عليكم اول مرره اشووف بطوله قااريه تلعب ع فترتين

لو نجي نشووف بدايه التصفيات كانت بتاريخ 24\2\2010 مع نهاايه اخر مبااره للهلال امس بتاريخ 20\10\2010

يعني مايقاارب 8 الى 9 شهوور بحد ذااته هذ يسبب ضغط نفسي ع الاعبين وغير ذلك انه مطلب وصاار هااجس للاعبين بطوله اسيا

وقص ع ذلك تراجع مستوى الاعبين ويلي من بدايه المووسم ومستواه في انخفااض وغير ذلك مزاجيه الاعبين الفريدي

والله امس ماشفت من الاعبين الا الشلهوب يحاول ويحااول حتى هو الوحيد اللي يتااثر بالخروج طبعا مو يعني البقيه ماتاثرو بس الشلهووب وااضح عليه التااثر بشده

نرجع للتنظيم البطوله بذا الشكل صرراحه مراح يمشي الحال ياليت يغيروها وع طول فتره وحده ونخلص مو 9 شهور ومتقطعه

مو ناقصين الحكام ضدنا ويجي اتحاد اسيوي بكبره ضد الزعيم

كنت اتمنى في مبااره امس الروح تكوون موجوده فقط لاكاان تغير كل شي كاان وااضح الضغط النفسي ع الاعبين خااشين بتفكير لازم نجيب هدفين جب التعاادل بعدين فكر بالثاني .

كنت متخووفا يجي مبااره ويكون الزعيم مو بيوومه صدقوني لو كانو بيومهم يبطي من يووقف بوجه الزعيم

والدليل من بدايه المووسم فاقدين 8 لاعبين اساسين وع ذلك ولله الحمد نفوز ونفوز يعني الظروف كلها اجتمعت ع الفرريق

الاهم بالمووضوع شبيه الرريح اتمنى يتراجع عن استقالته لان مو ناقصين والله ومو وقته بعد

واخر شي مابي اشوف ولا فقراوي يوطوط فيذا

تحياتي

**لذيــــــــــذ** · 21-10-2010, 04:03 PM

صراحه اللي ما شجع الهلال والشباب في البطوله ذي ما عنده وطنيه ...
فريقين يمثلون المملكه وكلنا وقفنا معاهم وشجعناهم وتألمنا لخروجهم ...
الشباب والهلال استحقوا الخروج من البطوله ... وكلهم ضيعوها في الرياض ...
وما دام الموضوع هنا عن الهلال استغرب اللي يتشمتون فيه ... على الاقل لا يدخلون ويعلقون ...
الهلال فريق كبير وعنيد ... وبصراحه لو رجعنا للمستوى بشكل عام قياساً على جميع المباريات والبطولات المحليه والخارجيه نجد انه هو الفريق الوحيد المنظم ... حتى أحياناً يخيل لنا انه ما يحتاج لمدرب ... نظراً لروحهم العاليه وقوة خطوطه وتفاهم لاعبيه داخل الملعب ... وأتوقع ان الهلال الفريق الوحيد اللي ما يتأثر بالاعلام ... الهلال يملك اقوى دفاع واقوى هجوم وتقريباً اقوى وسط وهذي حقيقه ما ننكرها ...
لكن أمس خسر وخسارته مستحقه ... لا روح ولا لياقه ولا قتاليه ولا خطه ولا اي شي !!!!!!!
هاردلك للهلال والشباب والعوض في الجايات ...

**ولدالمدينة** · 21-10-2010, 10:06 PM

**لاعبو الهلال هم سبب الخسارة** أشباح لاعبين ما عدا حسن ورادوي
غياب روح مافيه تحرك بدون كورةمستسلمين للخصم.
بس مانقول الاهاردلك يازعيم نصف الارض .

**мαηѕoя** · 22-10-2010, 03:51 AM

:

ههههههههههه

يآإ كثر أعذآركم / الي يذم تنظيم البطوله و الي يهآإيط بستوآه ب الدوري السعودي

صرآإحه تمنية أن الهلآل يطلع بمستوى يليق ب الكره السعوديه لكن مآ هنآإ أحد : طلع ع حقيقته

عمومآ ً الهلآل أنخجممم خجمه مآإ بعدهآإ خجمه و لآ تفيدكم الأعذآر ي ’

كيف ب الله فريق يردد بأنه بطل لدروري السعودي يمنى بهزيمه نكرآء خآرج و دآخل بلده

يآإل العآإر هههههههههه . ~

هآرد لك لفريق الشبآب و الف الف الف مبروك لــ ذوب آهن الإيراني و يستأإهلون بجدآإره

**الــجدي** · 23-10-2010, 11:42 PM

هههههههههههههه
ههههههههههههه

يعني الهلال برا

مو غريب على الهلال ثلاث او اربع مرات يخرج ع ارضه وامام جمهووره

الاعبين ما قدم الشي المطلووب يمكن خافوو يوم شافوو جمهوور النصر موجود خخخخخ

بصراحه تمنيت انه بفووز كنت مع المدرجات بشعار النصر
>>>> يعني حاضرين لعيونك ياهلال لكن يالاسف تمنيت اني ما حضرت خخخخخخخخ

الموضوع: الهلال يخرج من البطولة الاسيوية

أدوات الموضوع

بحث في الموضوع

تقييم هذا الموضوع

الهلال يخرج من البطولة الاسيوية

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة