السلام عليكم ورحمة الله وبركاته..
قصيده متواضعه لعلها تشفع لنا بعد هذا الانقطاع عن منتديات غرابيل ..
[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
اوّيه ياوقت حمس خافقي حمس=ذكرني الماضي وحرك شجوني!!
وغنيت قاف يطرب البال والهجس=قلت اتسلى يوم اغني لحوني!!
طبعي جزوم ودايما مبعد الرمس=واليوم راسي يشتكي من متوني!!
واللي على طق المسامع لها همس=ظنيت فيها بس خابت ظنوني!!
يطول ليلي وانتظر طلعت الشمس=ويفرح عدوي يوم تبكي عيوني!!
ماخذ على الخدين من وقتنا درس=يالتني طعت الذي ينصحوني!!
واللي نشدني وش بلا خاطرك عمس=صديت عنه وقلت لاتنشدوني!!
لوكان من يطعن لك القلب بيحس=ماشفت قلبي يشتكي من طعوني!!
ولاشفت دمع العين من موقها عس=على الخدود تسابقت وتركوني!!
ولاقلتلك ياحمود عن نشدتك بس=عن ضيقتي ياحمود لاتسألوني!!
العلم طارت به شياطين هالانس=اعزهم والمشكله مايبوني!!
اصنع لك المعروف والقالك العكس=جملتهم ياحمود ماجملوني!!
ابصم لها ياحمود خمس على خمس=نسيت انا ياحمود منهم نسوني!!
يوم البعض ماعندها عزة النفس=عزيز نفس ٍ مارضى بالمهوني!![/poem]
رد مع اقتباس
(الحزن الرغيد)
-new.gif)
