[poem=font="Times New Roman,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
(( اسامحك ))
اسامحك !! وانت الذي جّرعتني علقم هواك= اسامحك !! وانت الذي ياما تجنـّيت وظلمت
لاترتجي. لا ترتجي لا ترتفع رجوى رجاك= ما اسمعك. ليه اسمعك .سمعت لك ياما وندمت
كان الوفاء في نضرتي مابه وفاء إلا وفاك= وشلون خابت نضرتي يا خادعي فيك انصدمت
لا ترتجيني اعذرك وافّهمك معنى خطاك= مادمت عاجز تفهمه عساك عمرك ما فهمت
كذاب تلعب بالهواء دام الهواء لعبت شفاك= كذاب وماني مصدّقك مهما تحلّفت وقسمت
لا تشتكي برد العناء لا ترتجي يرجع دفاك= قد كنت انا مثلك ترى لكني كابرت وكتمت
تستاهل اني اجرحك وأجرعك قسوة قساك= وش يعني اني اجرحك جرحتني ياما والمت
والله ماأسقيك الهناء ضيّعت من صدك هناك= لاتنتظرني ارحمك وأنته ولا مره رحمت
حققت لك حلم الجروح اعليت شانك .مستواك= وفرت لك اشياء كثير اشياء انا منها انحرمت
يا كثر مانا اعشقك ياسيدي اعشق جفاك= و بنومي ما كنت احلمك وحلمت بك يوم ٍ حلمت
من غيري علّمك الشعر يوم القصايد مبتغاك= من علمك أوزانها من دربك حتى نظمت ؟
من كان سترك والغطى من ارخص الدنيا لغلاك= من كان حضنه لك دفى هدهدك حتى النوم .نمت
من علمك تقسى علّي وانا الي قلبي في رجاك= نسيتني خذك الغرور إللي تكاثر بك وهمت
جازيت حبي لك هجر هاك الهجر مني جزاك =علمتني كيف انتقم وانا تعلمت ...انتقمت
لا يرتفع راسك علّي معروف عندي مستواك= ياللي بنيتك من هوى سرعان ياخي..ما أنهدمت
[/poem]
رد مع اقتباس
المشاركة الأصلية كتبت بواسطة السياسي
