ماني بقادر علـى تغيير جيناتك
ما دام طبعك كذا مخلوق فـي دمك
دور على كثر روحاتك وجياتك
تلقى المواساه والتحنان عند امك
لاتبكي اليوم تـو اليوم ما فاتك
الوقت ممدي ودمعك يمسحـه كمك
وان ما قبلت النصيحه يوم هي جاتك
لاتحسب انـي حزيـن وناقـلٍ همك
خلك على ما تبي تمشي بمشهاتك
تمشي على رغبتك وابليس مزتمك
متعـديٍ مستوى ذوقي ملذاتك
اقفيت ضامي بدون الشرب من جمك
لوكنت ليلي وانا سهران مـا اباتـك
ولو كنت شوقي وانا مشتاق ما اضمك
ولو ذبت لي شمع ما نور مسافاتك
ولو كنت ورده من الريحان ما اشمك
لملم على باقـي الذكـرى جراحاتك
وتذكر اني ولو ما امدحك ما اذمك
ما دام هوج العواصف تبتلي ذاتك
اخاف تقفي مـع التيار ويخمك
من يوم عادك طفـل هـذي معاناتك
الله يستـر عليـك الحال ويتمك
وان طعت ياهوه شوف افضل هوياتك
اخير من تبعـة المسموم ويسمك
الموج لاكبـر مـا تنفـع مهاراتك
لوكنت سباح في عرض البحر طمـك
لاشك ما ضنتي ما تسمع وشاتك
الصدق لوعم خلـق الله مـا عمـك
وان كـان ودك تذكرها بداياتك
من يمي الوصل والتقصير من يمك
جرب مع واحـد ٍ غيـري مياناتـك
مدري لو اني بعدها صرت ما اهمـك
اكيـد مقـدر علـى تغيير جيناتـك
ما دام طبعك كذا مخلوق فـي دمك
للشاعر العذب : محمد بن فطيس
رد مع اقتباس
المشاركة الأصلية كتبت بواسطة النااايفة
اقتباس
المشاركة الأصلية كتبت بواسطة الابتسامه المهاجرة
صح لسان الشاعر 
