مانسيتك 000 ما قدرت انساك ليله
كيف ابنسى 00 وقلبي مجنون بجنونك
الدنيا بعدك ماهي صعبه 00 مستحيلة
كل شي في ذاتي من طعمك 0 ولونك
ودمّك إللي في عروقي كيـف أزيـله
وفي جذور القلب مـزروعة غـصونك
ما هو بيدي يا وريدي 00 ومالي حيله
صار عشقك نبضي وانفاسي شجونك
اشتكي لك 0 ومن لي غيرك اشتكي له
وين عمري في سـراب ارضك وكونك
ليه بعت الحب 00؟ والعشرة طـويلة
خنتني !!! وآنا اللي عمري ما اخونك
في سجـونك قلب مـن يخـلي سبيله
ضاق فيه الهـم وضاقت بـه سجونك
ومن طعـونك روحي الحيّـه قـتيله
جف دم الـروح وما جفـت طعونك
يا عزيزي 000 قـلبي ما يلعب بذيله
انتحر صـبري على قسوت ضنونك
اتهمت العـفـة فيني بالـرذيـلـة
وآنا روحي تعشقك موت وتصونك
الوفاء مـن شيمـة النفس النبيـلة
دين وعـد الحـر يانـاكر ديونك
ليه صارت عـزتي عـندك ذلـيله
وانت قدرك غالي مهما يرخصونك
في حنايا الروح لك ذكـرى جميله
فيها عطفك ضحكتك حسنك فتونك
ووجهك اللي الورد يخجل ينحني له
وجسمك اللي توج السحر بزيونك
كنت وحدك 00 تسوى بعيوني قبيله
كنت احبك واكـره اللي يكرهونك
ياما حسك قلبي 00 وإحساسه دليله
وياما لانت قسوتي 0 لخاطر عيونك
حاولوا العـذال فيـنا بألف حيله
ورغم قربك مني ! قدروا يبعدونك
كيف واحنـا دمّـنا نفس الفصيلة
تروح وقلبي يحتـضر محتاج عونك
قاتلي 00 والجرح ينزف كل ليله
لو بدونك عشت ! انا ميت بدونك
عبدالله الحداد
رد مع اقتباس
(الحزن الرغيد)
