,
,,
,
على جال الغدير اللي عليه مـن الزمـان اظـلال
على طاري من الذكرى قريـت بصفحـة اظلالـه
,
اشوف الوقت يسبقني واسابـق لحظـة الترحـال
واعيد بطيفهااا حلمي واشـوف الوقـت يبرالـه
,
تعبت وخطوتي تاهـت مابيـن اليـاس والأمـال
ورست بي رحلة الفرقاا علـى ماضيـه واطلالـه
,
دقيقة صمـت ياغدرالوفـا مـع نشـوة العـذال
دقيقه يازمـان الصمـت مـع ضحكـات عذالـه
,
حقيقه لا ولـو كانـت حقيقـه صعـب ماتنقـال
كذا تبقا بخاطـر مـن يشيـل اهمومـه الحالـه
,
يترجمهاا علـى الواقـع خيـال ويتعـب الخيّـال
يترجمهـا كـذا غـدر الزمـان بصـادق افعالـه
,
كـذا تبقـى بعيـده يابعيـده حـذفـت العـقّـال
عن اطشاش الكلام اللـي تنومـس فيـه جهالـه
,
كـذا تبقـى ثمينـه ياثمينـه والحمـول إثقـال
عن اعيون الخبيث وعن طموحاتـه عـن آمالـه
,
كذا تبقى بعيـن اللـي قراهـا بنظـرة الاطفـال
وعطاها اللـي يميزهـا وزاد الحمـل ثـم شالـه
,
امانه شالها طفـل ن غريـر وماتشيـل اجبـال
بقت في ذمتـه وسـط الضمايـر شكّلـت هالـه
,
وصاة الشايب اللـي قالهـا يـوم العيـال عيـال
وصاة الشايب اللي اختارله واحـد مـن اعيالـه
,
وحـط الفكـره براسـه ورا مجموعـة الاقفـال
زرع له جوهره فـي عقـل ورع وضيّـع اقفالـه
,
كبر عقل الولد من كبر مايحـوي مـن الأهـوال
سبق سنه سبق عمره سبـق هالجيـل واجيالـه
,
غدت مثل العقال اللي على راسـه مقـام اعقـال
حفظهاا من صغر سنـه قبـل مايلبـس اعقالـه
,
اذا فعل الولد ماهـو ينومـس مـن وراه الخـال
ترا عيب ن عليه إن قيل ورث الطيب من خاله ..؟
,
حفظها زيـن والنيـه تجـي النيـات بالاعمـال
نـوا بكـره يترجمهـاا علـى واقـع تهيـالـه
,
صحيح ان القمر ينقـص ولكنـه يصيـر اهـلال
نقول اشلـون مايرجـع وباقـي ميـزة اهلالـه
,
نقول اشلـون مايكمـل ودورة هالزمـاان اقبـال
يبي يكمل ولو يكمـل علـى فـال الزمـن فالـه
,
خطاة الوقت لو يفهـم يـداري خاطـر الرجـال
خطاة الوقـت لويـدري عـن الرجـال واحوالـه
,
اكوسرها على كيفي واجيب الفعـل قبـل الحـال
واجيب الحال قبـل الفعـل والمخـراج مدخالـه
,
تساقـا مـن هناديـب المقـام ابطرقـة المـوال
على نـوت المعانـي والمعانـي كيـف فنجالـه
,
واذا قالوا ترا الشاعـر يجـوز ايقـول ماينقـال
انا مااشره علـى الشاعـر اذا مابرهـن اقوالـه
,
قرإأآآآءه ممتعه
,,
,
مما رآآق لي.. اتمنى ان يروق لكم
رد مع اقتباس
المشاركة الأصلية كتبت بواسطة الوحيد فوون
