~¤®§( لغز وينكم ياهل اللألغاز)§®¤~

[منيف الشلهوب]

[align=center]السلام عليكم ورحمة الله وبركاته

حبيت اضيف فكره جديده مع المحاورات وهي اللألغاز لتغيير الجو

واللغز هذا سهل للغايه

طبعا اللغز مو لي بس اعرف حله

واللغز يقول :

أنشدك عن ورع ٍ على قلب رجال

- - - - - - - - - - ويسبق ظهور الورع صيحة بنيه

البنت صاحت من خطأ عايل ٍ عال

- - - - - - - - - - والورع من لونه تبين الجزيه

تقبلوا تحياتي[/align]

[سلوى]

لحظه بسأل جدتي وارجع

[منيف الشلهوب]

[align=center]ههههههههههههههههههههههههه

ماهقوتي تلاقينها صاحيه هالحزه

لوووووووووووول

دامها جدتك عز الله ماحلت اللغز وانا اضمن لك هالشئ

واذا عرفتي الحل راح تعرفين ليش قلت لك جدتك ماراح تحل اللغز

مشكوره سلوى دوت كوم على حسن حضورك وروعة تواصلك

تحياتي[/align]

[طيف الوله]

امممممممممممم اعتقد المسدس والرصاص

لا تقول غلط يامنيف

[منيف الشلهوب]

[align=center]
افا والله طيف ماهي الهقوه

اولا اذا بغيتي تردين ردي بشعر لانك شاعره مانتي بسيطه

الشئ الثاني


0

0

0

0

0

0 للأسف خطأ ولانتي بحوله

طيف تراه سهلللللللللل مره فكري شوي وابصم راح تحلينه

تحياتي[/align]

[منيف الشلهوب]

[align=center]طيف نسيت اقولك طبقي الحل على الابيات انا بصراحه فكرت بحلك مقارب لكن مو كل الابيات يطبق عليها

شوفي معي

أنشدك عن ورع ٍ على قلب رجال

كلامك صح لان المسدس يكون على صدر الرجال معلق

- - - - - - - - - - ويسبق ظهور الورع صيحة بنيه

هنا ممكن يكون صوت الرصاص هو صيحة البنيه بس مستحيل يكون الصوت قبل ظهور المسدس

البنت صاحت من خطأ عايل ٍ عال

هنا ممكن لانه وقت مشكله

- - - - - - - - - - والورع من لونه تبين الجزيه

هنا عاد وش تفسرين لون المسدس بلون الخجزيه والخطأ


انتظر عودتك محملت ٍٍ بالحل وهذه هقوتي فيك[/align]

[محمد الاسمري]

أمممممممم

:بفكر:

ما كنها صعبه وانا اخوك ..

لكن تراني وراك وراك لين أعرف الحل .. والله قلبت دماغي ..

وطيف صابت الهدف الا شي ..


سلمت يالقرم .. أعدك بالمحاولة ..

موضوع متميز يالغالي

تقبل كل التقدير والاحترام

[منيف الشلهوب]

[align=center]هلا اخوي محمد الاسمري

مافيه شئ يصعب على شاعر بحجمك

انا اراهن ان الحل قريب منك

انتظر عودتك لاعدمتك[/align]

[طيف الوله]

شوف بجرب للمره الثانيه ولا تقول غلط<<<تبيها صح بالغصب


الورع كرت بجيب رجال ينقال

.........................إنه حكم في اللعب والبنت هيّه


الصافره وان كنت غلطان بالحال

.......................هات الجواب النفس طابت شويّه :تصفير: :تصفير:

[منيف الشلهوب]

[align=center]طيف الوله والحل بيديك مامال

- - - - - - - - - - حلك صحيح وصاب ميه بميه

ماخابت الهقوه على كل الاحوال

- - - - - - - - - - تدللي ثم أطلبي لك هديه

صح لسانك شاعرتنا طيف الوله

بس عاد ترى الهديه طقم شباصات من محل ابو ريالين [/align]

[طيف الوله]

ههههههههههههههههههه وليش الخساير مابي غير سلامتك يا مشرفنا

والشباصات اعتبرها وصلت

[محمد الاسمري]

[align=center]

ههههههههههههههههههههههه

سلمت يالذيب .. والله أنك صادق أنها سهله .. لكن انا رحت لبعيد

الاخت طيف .. :برافو::برافو::برافو: .. جبتيها .. يعطيك الف عافيه .. ومبروك طقم الشباصات <---- ماركة لازوردي:تصفير: [/align]

[منيف الشلهوب]

[align=center]اعتذرت الاخت طيف الوله عن طرح لغز جديد لانها هي اللي حلت اللغز الاول

اللغز يقـــول


أنشدك عن عدة بنات تقافن

- - - - - - - - - - مكانهن في منزل ٍ بيناتي

لا جاهن الرجال لازم يروحن

- - - - - - - - - - خلن أماكنهن وهن راضياتي

وإن طالت الأيام لازم يعودن

- - - - - - - - - يبقن مع الرجال متجاوراتي[/align]

[طيف الوله]

يثبت الموضوع لاعطاء فرصه للشعراء للمشاركه

[أبوعبدالرحمن]

يمكن نجوم الثريا وقصدك بالرجال " الشمس "