مساكم الله بالخير والفل والكادي أقدم لكم هذة القصيدة القديمة والتى أتمنى ان تنال على اعجابكم..
جتني تودعني وتعزف على الناي
قصيد حزنن صار للقلب غنوه
قصيد حزنن فيه طبي وشكواي
من اللي فؤادي مبتلي فيه بلوه
إلين سال بعزفه سريب مبكاي
وسم على الخدين جرات دلوه
جتني تقول بليز ذا آوت بيباي
وخلاص انساي ترى الحب نزوه
وياليت تحرقها ياناصر هداياي
حتى يموت الحب وتعيش سلوه
عن دنية العشاق والعشق والشاي
وتفارق هموم السهارى وجوه
وماحلاك بالدنيا ياناصر ومااحلاي
نطارد الواقع بعقل ومروه
وألا أنت والله وصفة الحب ودواي
لكن دخيلك أقطع الحب وأطوه
وأسمع كلامي وراح تفهمه معناي
لأحسست بعد اللين تيار قسوه
تايه مع ذاتك تدور على الراي
وتنازعك أراء والعقل ثروة
لاتنطر آجيلك وأعيشك بدفاي
لافي الخيال ولافي حزات غفوه
ولاني أحبك قلت لك ماني بجاي
حتى أنت تكفى لاتجي منك عنوه
وخل المياه تصب في غير مجاري
دام الزمن فارق الأحباب نوه
ويكفيني ماضي الحب في قمة صباي
ويكفيك في الآخر صداقة وأخوه
وإن كان مايرضي طموحاتك الجاي
الأمر بيدك واللي تبغاه سوه
(الحزن الرغيد)
رد مع اقتباس
