[poem=font=",6,darkred,normal,normal" bkcolor="transparent" bkimage="" border="double,6," type=2 line=1 align=center use=ex num="0,black""]
يالله فالجنه ومنك التياسير=يارب ياخالق جميع البريه
منك استمد العفو يامعطي الخير=ياللي بجوداتك تزيل الخطيه
ادري مقصر في عبادتك تقصير=انت الا له وعالم (ن) بالخفيه
يالله تكافينا صدوف المقادير=وتغفرلنا يارب من كل سيه
ياسرع مايمضي بنا الوقت ويسير=وحنا ورى الدنيا غفلنا شويه
نطرد ورى اللذات من غير تفكير=ناسين شرع الله وسنة نبيه
ياجاهل اسمع من هجوسي تعابير=واحذر ترى دنياك دنيا دنيه
الوقت يمضي والليالي مدابير=فاصحوا وتوبوا دام الارواح حيه
بالامس والعالم تزف التباشير=واليوم تنعي جنب ذيك الهبيه
عندك على قبرك صفوف وطوابير=فيك العزاء وفاك يوم المنيه
[/poem]
اتمنا ان تنال اعجاب الجميع
وسلامتكم