المشاركة الأصلية كتبت بواسطة (بنت أبوها)
[IMG]http://srab1000.********************************************/1311%5B1%5D.jpg[/IMG]
صبيت لـك مـن دلال الغـلا فناجيـل = كل ماهزيت فنجالـك صبيـت فنجـال
من دلال على جمر ظلوعـي مراجيـل = كل ماهب نسيم الشوق زادهـا اشعـال
دلال تبـي لهـا مـن ريحتـك هيـل = يحـلا بهـا ريحـة الفنجـال لامـال
وظلوعـي تبـي لهـا بـارد سهيـل = يجي لها تحت رمـش عينـك ظـلال
يامونـس وحشتـي لاهـود اللـيـل = ياسنـا صبحـي لاجـانـي يخـتـال
ابطيـت ماشفنـا سحـاب ولا سيـل = ولاربيـع شوفتـه تــرّوق الـبـال
ياموجع القلـب هديـت منـي الحيـل = زودت فوق همـي ثقيـلات الاحمـال
اقضي ليلي مع همومـي فـي تعاليـل = متخاوي و الهـم فـي حـل وترحـال
ارحـم عيـون سحايبـهـا همالـيـل = كـل ماجفّـت تجـدد همالهـا وسـال
لا أبوالغـلا خـلانـا مهابـيـل = من عقب ماحنا بالعقل يضرب بنا امثال
تعال اصب لك من دلال الاشواق فناجيل = واسقيك من صافي الغلا الـف فنجـال
مما أعجبني ....
ياوي فنجال شربته الحالي
فنجال ماله ثانيا بالفناجيل
فنجال من غالي يمده لغالي
وتهديه قبل أبديه سود مضاليل
مده عليّ وقال خذ يا حلالي
لا يا بعد من ينقل القال والقيل
وأخذت فنجالي وريحت بالي
وثنيت رجلي عندهم للتعاليل
دار الحديث وكل شيء صفالي
وارهيت منهم بالوفاء والمحاصيل
قمنا على ما قال لا له ولا لي
إلا وعود بالليال المقابيل
والله علم عن مقبلات الليالي
هن يلحقن وإلا بعد يظهرن حيل
الشاعر عبدالهادي بن راجس السبيعي
اختي العزيزه بنت أبوها تقبلي مروري دمتي بود