[align=center]
السلام عليكم
للتواصل
مساجله بيني وبين
الشاعر محمد ابن هندي [/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نجوم الليل للساري ضياها=دليلٍ يوصله لامن سراها
وانا قدلي ثلاث اسنين ساري=بشوقٍ ينتظر لحظة لقاها
بداية قصتي والحظ عاثر=غرور الزين لامنه تباها
هنوفٍ كل ما فيها سحرني=الا ياكثر في قلبي غلاها
هنوفٍ تجهل الحب وعذابه=تحلا الحسن من باهي حلاها
حوت حسن الجمال وكل زينه=ولابه بالحسن احدٍ سواها
غشيمت حب يحرجها جهلها=وتخطي بس يعجبني خطاها
تغيب ايام وتعوّد عليه=وانالمشتاق ..طاويني جفاها
بعد ماعودت قالت حبيبي =علام النفس ضاقت وش بلاها
علامك ليه قللي وش جرالك=اشوف الحزن في عينك حواها
امانه .. وين شوقك يامحمد=علامه غاب عن نفسك صفاها
علامك وش حصل وش جاك قللي=بعينك حزن ترجم لي شقاها
تلفّت ولمحت عيون خلي =بعد ماضاق في عيني فضاها
وقلت السالفه يانور عيني=ابنهي قصتي واعلن رثاها
ابنهي وصلنا ياكل حبي=لوانك بالحياه انتي هناها
وشفت بعينها دمعٍ ذبحني=بعد ما كلمتي دوّى صداها
تلعثم هرجها والحزن خيمّ=وحارت بالمشي تمشي خطاها
فمان الله يا شمعة حياتي=بقوله لو قلبي مابغاها
ثلاث اسنين راحت مالتقينا=ولكن عايش بقلبي هواها
معي في كل ساعاتي ويومي=بعتمة هاجسي ينور ضياها
احاول اكتب اشعاري بغيره=واشوف الشعر يستجدي رضاها
يذكرني بها الليل ونسيمه=وتذكرني نجومٍ في سماها
والا يامحمد الهندي رفيقك=جبال الهم يا محمد رقاها
وانا خابرك بالشده حزامي=عزيزٍ بان في نفسك نقاها
ابيك تروح للغالي بداره=تبلغه ان قلبي ما نساها
رد محمد ابن هندي
لفتني ارسالةٍ حلوّن نباها=تهيّض من سمعها ومن قراها
وجلست احق شوفي فالرساله=وافكر في خبرها ومبتداها
عن اللي له ثلاث سنين صابر=ونفسه من عناها في عناها
طوى حاله هوى خشفٍ تذيّر=من العربان والنسمه وهواها
ملك تاج الجمال بكل روعه=وبلا نفسٍ رفيعٍ مستواها
والا ياليت ما صابك يصيبه=وليت اللي دها عقلك دهاها
لجل تعرف مفاهيم المحبه=ولا تخيّب رجاوي من رجاها
يغيب ابغيبته من دونه سبه=وانا اتحرّى سنا البدر وسناها
بعد ما صارت الغيبه طويله=تناديني وانا ما اسمع نداها
(دوى) في مسمعي صوتٍ عرفته=وفز القلب وافكاري معاها
ولّديت النظر من دون رغبه=وشفت اللي نهب روحي وسباها
تنشّد عن مسارات العباير=وعن نفسٍ مطاولها غثاها
وقلت ابنهي العشره وأقفيّ=خلاص النفس جاها ما كفاها
لو ان القلب ما طاوع لساني=ابرحل قدمها والآ وراها
خلاص النفس طابت واستقامت=ولو اتحدني لك بحداها
عن ادروبك وعن عرفك وشوفك=وناسن ما تكمّل في وفاها
لكن يا محمد المطلق تنبّه=دروب العشق ما تلحق مداها
مضالي فالهوى اسنينٍ طويله=ونفسي من خطاها في قداها
اغيب من البشر واجلس لحالي=تزعلني كذا واطلب رضاها
واعانق طيفها لامن خذاني=وطيفي ما خذاها ولا لفاها
وانا بقول لك واسمع كلامي=وصمّه علّها والآ عساها
ربيع الخد قافيه المصيفي=لو ان المزن من سيله سقاها
ليا شفت الوسم والخير بكّر=بطب الجرح والروح ودواها
اخذ من اعذب المرباع ورده=قبل لا يطفي اللاهب شذاها
وانا والله واقف في لزومك=يالين النفس تاخذ مبتغاها
وسلامتكم[/poem]