السلام عليكم ورحمة الله وبركاته
صبحتووو بالخير ومسيتوووو بمثله
الله يوفق المختبرين في إختباراتهم وينجحهم آمين ,,
أكمل لكم قصتي مع صقيقي أوباما ومحادثات السلام
أيام توليه المنصب ووصلنا عند إيران ^_^
قلت وش رأيكم في إيران .
قالوو أسمع يا بندر إيران تراها ماهي أكبر همنا وبالعكس هم سيم سيم حنا
يعني ما في فرق بيننا وهم ينفخون ريشهم ويبون يحكمون الشرق الأوسط
وترا على قولة مثلكم ما أخس من قديد الا عسفان !!!
قلت أنا ما عليكم زود ..
قالت أوبرا أسلم أسلم صب قهوه يا بوشي
قلت ما يصلح الكلام يعني ما طلعت بنتيجه معكم غير إختيار كلبكم
بيأكلون وجهي ربعي .
قالو أصبر علينا لين نحط دولتين تحت الكم ثانيه وبعدين نقبل وساطتك فيها ونفك أسرها
وتكون أنت المنقذ البطل
قلبتها في رأسي الا هي وما تمشي مره مره ماهي عوايدي أزلب بربعي مره .
قلت ولد يا أو باما ترا ما طلعك كرسي الرئاسه الا حنا ونقدر ننزلك منه
ما اطلع من هنا الا بعد ما تحلون كل هالمشاكل والا والله والله ليصير ما لا يحمد عقباه .
عصبت وحمرت أوداجي .
وأمتطيت صهوة ددسني وطلعت من نيويورك وأحول الجوال على موجود أكسترا
خدمة الشرهات ما ودك ترد لا ترد بس فكك من هالخدمه .
<< كمل القصة وخل الإتصالات في حالها
المهم وأوصل البيت الأبيض وأنا زعلان واٌوقول لأخوياي الي معي يالله قشو عفشكم
سنبحث عن شقه <<< حلوه سنبحث هذي ههههههههههه
وشوي الا وصوت الهيلكوبتر نازله جنب الغرفه وأوباما يصيح تكفى يا بندر لا تزعل
تكفى لا تزعل .
ابشر بالحق يا ولد نايف .
قلت وش تبغى يا أوباما ؟؟
قال يا بندر ريح الليله وبكره نتفاهم بكره نتفاهم تكفى لا ترد طلبي ما نبغاك تروح الا وأنت
راضي عنا وعلينا .
ويأخذ من خشمي ويسلم .
وكأني رضيت وقلت شورك وهداية الله بس لا تخليني أعصب مره ثانيه
قال لا مره مره مالك الا ولد يقرأ ومالك الا الرضا .
قلت تسلم .
قال وش رايك نطلع الليله لباريس بنحضر حفله برتني سبيرز بعد خروجها من مستشفى
المجانين .
قلت زين زين خلني أكشخ وألبش الشورت حقي .:icon_cool
وأدخل الجناح أنا وأخوياي وكل واحد على غرفته ويغير ملابسه .
شوي وأسمع خرفشه برا الغرفه .
من ... من ...
فكيت الباب ودخلت بسرعه ملثمه وجهها
هيه هيه من أنتي
قالت أن ميشال السيده الأولى لا ترفع صوتك أبغاك في موضوع ....... !!!!!!!
,,,
,,,
,,,
فاصل إعلاني
ترن ترن ترن ترن ترررررررن ...
ألو ؟
هلا يا راعي ألو ..
مين ؟
أنا عبد المعين .
وش تبغى يا عبدالمعين ؟
فاضي ماعندي شغل قلت أغازل لأني شريت تلفون أبو سماعه لاسلكيه ^_^
حتى أنا عندي تلفون سماعة لا سلكي ,,.
(مع السماعة اللا سلكيه تحلى ليالي الغزلنجيه )
إنتهى الإعلان
ونعود إلي حلقتنا ^_^
=====
وهي متلعثمه ومرتبكه وحالتها حاله ..
وش فيه عسا ماشر يا ميشال ؟؟.!!
قالت ألحقني يا بندر تكفى تكفى ..
قلت أبشري بعزك وأنا بندر وش السالفه ؟؟
قالت إلبارح وأنت وأوباما في نيويورك كنت أتمشى في أسياب البيت الأبيض
سمعت اليهودي مدير البيت الأبيض يكلم بالتلفون ويخطط مع واحد كيف يخطفوني
ويضغطون عل أوباما ويمشونه على كيفهم وكله بسبايب زيارتك ..
هنا ياربعي جتني لقافة المحقق كونان وشجاعة ماوكلي وهبالة جيم كيري
وطقيت صدري وقلت لها خليها على الله ثم علي والله لأهبلهم بس لازم تروحين معنا
للحفله في باريس علشان تكونين تحت نظري وإذا رجعنا من باريس يصير خير..
لبست ملابسي وتكشخت وأنتظرت أوباما في الددسن أنا وميشال
قال لا لا المره هذي يا بندر نروح
بموكب وعلى سيارتي...
قلت يا رجال حلفت إنه أنا ..
ما صدق خبر اللعين وقال تم .^_^
دزينا على الددسن ويتبعنا ثلاث طيارات نفاثه و10 هليوكبترات والحرص الرئاسي كله.
وحضرنا الحفله الا برتني محلقه راسها على الصفر وتغني كسرات .
ومن أغانيها (( حنا ثري وهما توو والمازدا ما تكفينا ))
وبرضو (( يا بيبي مالك ومال الشام كوم كوم معي للسعوديه ))
وبسطه ووناسه والربع كلهم هناك
رئيس فرنسا الخكري هذاك
وملكة بريطانيا عجوز أفلام كرتون ناقصها عصا .
وبعض رؤوساء الدويلااااات الأخرى وخدي تقطع من كثر ما أسلم
وكلهم يالله حي بندر يالله حي بندر وينك تعدانا رايح لأمريكا وما تسير علينا
قلت لكم إن شاء الله زيارات أخرى (( إذا سلمنا من زيارة أوباما ))
وطلبتني ملكة إبريطانيا لعقد إجتماع عاجل عاجل عاجل جدا
وتقول إنها تبيني في مواضيع عامه ومواضيع خاصه ..
قلت بكره مع قشعة النور وحنا جايينك جهزي القهوه بس ..
ورحنا بعد الحفله وتعشينا في القصر الرئاسي الفرنسي وصارت هناك علوم علوم .
إلى اللقاء في الحلقه القادمه
بعد الإختبارات إن شاء الله
والله ينجحكم ويأخذ بأيديكم إلى مستقبل زاهر
دنيا وآخره ,.
ومع بندر النايف
مش حتقدر تسكر خشمك
رد مع اقتباس
المشاركة الأصلية كتبت بواسطة عزوز
