:مزون:السلام عليكم ورحمة الله وبركاته
حياني الله وحياكم
وما زلنا معكم في حلقات سفرتي لرئيس أمريكا أوباما أمل الشعوب المظطهده بعد الله .
=============
وبعد ما شربنا القهوه والشاهي وفليح الأردني باقي يعزف على الربابه
ويغني ويقول \\\
ياشاعر المليون علامك تطردنييييييييييييييييييي
يا شاعر المليون ماعاد إني مشاريييييييييييييييك
كان جالس معنا في مجلس كبار شخصيات أمريكا بعد تولي أوباما وهم المقربين منه
الشيخه تيرا مصممه الأزياء .
بريتي سبيرز .... وهانا مونتانا
وهاري بوتر وجدته الجنيه شوماكه ..
وشبيه النعجه دوللي ..
وجمع غفير من مسؤولين الدوله .
ولا أنسى بباآي :مزون:
وجت أوبرا وقالت \\ تمو على ضيفة بندر وأخويااااه حياكم الله
وتعشينا وعينا خير .
وبعد ها مسكت أوبرا على جنب وقلت غلاأبوها تسلم عليك
هي ووجن محمد ويقولون وقعي على صورتك وانتي في غرفة مظلمه من أشد معجبينك .
وأبي الربع في سالفه والي هم المسؤولين الي سبقت ذكرهم .
قالت أبشر بعزك ما طلبت شي .
ورجعنا المجلس وفي هوج الكلام وكثرة الصجه .
قلت يالربع .
قالو سم ياضيف الرحمن ..
قلت \\ العلم سلامتكم والرئيس أوباما والشيخه أوبرا ما قصرو قامو بالواجب
والله والله ما يقسم لنا عند غيرهم أبد .
والعلم الثاني ودي نقوم على طاولة المفاوضات عندي علوم كثيره ودي أناقشها معكم
وودي أعرف وش مصيرها في عهدكم .
قالو \\ تم ..
قلت بس عندي شرط .
قالو وش قلت تكون الإضاءه طيبه في الغرفه علشان أقدر أشوف تعابير الوجيه ( عبيد مظلمين هههه)
وتكون معي مويه بارده أرش خشومكم إن زعلتووو
قالو يالله مشينا <<<< قاعد ينكت عليهم الأخ
الموهييييم
أجتمعنا على طاولة المفاوضات
وبدأت الخطاب الرسمي
وقلت بسم الله نستفتح الجلسه
وأقول لكم كما الشاعر
كان في أرنب قاعد يلعب لا لا
وأستشهد بقائل المثل
من أستحى من بنت عمه ما جابت ولد ...
وبدأت الجلسه ..
وطرحت ياربعي قضايا كثيره من كثرها ما لقيت مكان للمشروبات الروحيه مكان
عاد خبركم كثير من جلسات مفاوضات السلام تبدأ بكاس وتنتهي بغطاس
والنتيجه إغتصاب ناس وقتل ناس .
قلت وش رايكم في فلسطين
كلهم كحوو كح كح كح كح
قلت وش فيه عسا ماشر ؟؟؟
قالو قضيه قديمه يا أخوووك خلها في آخر الجلسه .
قلت طيب ولبنان .
قامو يعاطسون .!!!!!!
قلت طيب العراق ..؟؟؟
قالو بس باقي بيتين متشاكلين بنصلح بينهم ونتركه
العراق كله عم الأمن فيه وسدينا كل الحفر الي كانت مفتوحه وتطلع ريحه ..
ضربت بيدي الطاوله وانا غاضب وزعلان وقلت طيب ..........!!!!
أنا إلي قمت وضربت الماصه وصفقت عندي راسي طبول ( طن طن طنننن)
قلت هذا ماهي طريقة تفاهم وهذا إنحلال في الدوله العظمي من أولها
وهم يقومون يا بندر هد أعصابك هد أعصابك !!
وما يصير إلا كل خير ..
هاتو عصير شيفاز للشيخ بندر يؤؤيؤؤ قصدي عصير ليمون .
يا بندر حنا تونا بادين نقول بسم الله في أمور الدوله والدول المجاوره .
وعندنا مشكله أكبر من مشكلتكم يالعرب .!!
قلت وش هي ...؟؟
قال أوباما مشكلتنا البيت الأبيض فيه رئيس وزوجة رئيس وأبناء وبنات رئيس
بس ما فيه كلب رئاسي !!!!
وجت الطبول مره ثانيه عند أذني ( طن طن طننن )
قلت ليه ما قلتو لي والله مادريت إن عندكم ظروف أشغلتكم عني وعن الشرق الأوسط .
طيب وحليتو هالمشكله قالو والله باقي ما حليناها وقاعدين ندور .
الحوش حق البيت الأبيض مليان بس نبغا كلب يتمتع بالروح الرئاسيه وما يجيب لنا حساسيه
وبدأنا في إقتراحات إختيار الكلب .
ناس تقول لازم يكون أبيض علشان تكافوء النسب وناس تقول لا أسود علشان طبق الأصل
وحصل تصويت على اللون وقلت أنا وش رأيكم يا جماعة الربع عندي إقتراح .
يا ليت يكون أبيض مع أسود يعني أحجل أغر أصبح <<< وش ذا
علشان يكون في مساواه بين الطرفين وأنتم يجب عليكم المساواه .
قال ونعم الرأي عز الله إنك جبتها يا بندر وتمت الموافقه على رأيي.
وشوي يجيني إتصال وحنا في إستراحة الشاي رقم غريب وطويل ومميز ..
طنشت ..
دق مره ثانيه ..
طنشت
أرسل رساله فتحتها لقيت فيها مكتوب (( سلامووون عليكووم بنننندر
معاك نجاتي رئيس إيران رد ضروري ))
وبعدها دق الرقم ورديت هلا نجاتي وش أخبارك
قال \والله بخير شخبارك أنت ..
قلت نحمد الله وفي وادينا والله هادينا .
قال طيب يا بندر أنت في أمريكا صدق .
قلت الله الله
قال طيب بأطلبك طلب وأنا اخوك شوف لنا قضيتنا بس لا تقول قلتلك علشان ما يقولون
خايف منا . وصلي على محمد وعلى آل محمد
اللهم صلي على محمد وعلى أله وصحبه أجمعين .
قلت رغم إني ما أحبك ولا أحب ملتك وإنك أنت العدو علينا أكثر من غيرك من اليهود
والنصارى .
لكن ودي أعرف وش مصيركم بعد لأن الجدار على الجدار .
وسكرت بوجهه .
ورجعنا جلسنا على الطاوله وقلت وش رايكم في أيران ..
إلى اللقاء في الحلقه القادمه
أخوكم بندر النايف
مش حتقدر تسكر خشمك
رد مع اقتباس
المشاركة الأصلية كتبت بواسطة عزوز
