اسعد الله آلاء ارواحكم
ومساحات بياض صدروكم الطاهره ..
احببت ان انقل لكم
محاوره جمعتني باختي الغاليه الشاعره
غريبة العبدالله
وقد اسعدتني محاورتهااا جدا
وآمل ان تنال رضاكم واستحسانكم
\
هذا المساء
[IMG]http://nooooor76.********************************************/e1.gif[/IMG]
:
؛
تلفظني عنه سواحل الصمت فأتشبث بغيم الكلمات وأهطل حرفا .. قرارا
ودستور أنثى
كانت لها الأبجدية شهقات من حياة وشريعة بداية تتجلى صعودا بين أوراق البوح
يتخلق في طرقاتها الملونة خطوات السؤال وحيرة الأجوبة "فتعلن له"
إبحارها في حضن السطور وتهمس لمسام الورق الشفيفة ..
ليس مثلي تصمت والكون صرخة على حدود حنجرتها
وليس مثلي تصمت و رفرفات الأدب طير حر يسبح في علو محبرتها
"أنا روح الشعر .. وغمامات غيثه "
صدى بغداد
و
غريبة العبدالله
نهم البدايات المترفة في حضن قواميس البيان الواضحة
فتحت أبوابها ليقفز سحر الشعر في وجه المساء
فبهن
يتلونا الانتظار ..على أطراف السمر
فأهلا بكم آل الأدب
..
[IMG]http://nooooor76.********************************************/n-non-b3616021d0.gif[/IMG]
\
صـــــــدى بغداد
الموال:
الليــــــله المنتدى نوره يـــــــزيح الظلام .**. والخيل تعرف ليامن جات في حينها
سلام من خاطري وإلكم كثير السلام .**. واليوم نبغي نعرف الخيل من زينها
\
الابيات :
الشعر له ناسه وله راس محراب
............ واليوم أنا راسه ومربط خياله
يامرحبا يابنت والشعر منساب
............ تحيةٍ فيها الأدب راس ماله
)(
غريــــــــــــبة العبدالله
الموال:
الليلة الليلة نبي قدح المشاعر شرار **. والنار بين النار والنار للنار نار
يامترفين الوعود قالولي الوعد صار .**. والحين نعرف أصول الخيل وش زينها
\
الابيات :
الشعر له باب وله مفتاح باب
............ يامرحبا ماهي على قدَّ حاله
يامرحبا ماهي شعارات وكتاب
............ يامرحبا بك والمهلي جماله
)(
صـــــــدى بغداد
الموال:
أهلاً هلابك هلا .. أهلاً بك .. هلا .**. وإن جيت وإن قلت لك يامرحبا .. مسهلا
أنتي نســــــيم الشعر .. أنتي عيون الحلا .**. واليــــــوم يا زينها .. والخـــــــــــــــيل وش زينها؟
\
الابيات :
بقيك ربي والغلا في سكّاب
........ يضرب محيطك من جنوب وشماله
جيتك وشعري لاخفق طيره عقاب
........ ماهو يصــــــــيد الا بيوت الجزاله
)(
غريبــــــــــة العبدالله
الموال:
ياسيدة هذا الوجود وكلَّ تاجه ** ماتنلغي حاجه على حساب حاجه
لاصار بالذمَّة وجع وش علاجه ** واليوم يازينها والخيل وش زينها
\
الابيات :
بعض الشعر لاغاب يزعجك لاغاب
................ وبعض الشعر لوغاب والله أشوى له
كل شي بالدنيا من الله له أسباب
...................... واللي يضيم الشعر واآعزتا له
)(
صـــــــدى بغداد
الموال:
الليل فينا وليلك طــــــال واللــيل .. ليل .**. ولا ترا يالغـــــــلا بنشوف أيّة بــــــــديل
لامن حمس قهوته .. أركى عليها بهيل .**. والليله نعرف أصول الخيل وش زينها
\
الابيات :
ماتاب منهو يعشق الشعر ما تاب
............ ياكثر منهو يعشـــــــــــقه للثماله
منتي غريبه حتى لو بسمك أغراب
............ جيتك وشخصتك مع ألف حاله
)(
غريبــــــــة العبدالله
الموال:
الطيَّب يبان فعله لو تعقَّب له .**. ولاَّ الردي من يومنا مانبوَّب َّ له
لو صفقت له فعلته مانصفق له .**. والليله نعرف أصول الخيل وش زينها
الابيات :
من بعض صكَّات الزمن مفرقي شاب
............ ياصدى حناَّ مارضينا الهزالة
زادي معي كرامتي وخاطري طاب
............وانتي كفو وللطيبين الزماله
)(
صـــــــدى بغداد
الموال:
يامبدعين الشعر لا تكثرون الكلام .**. لا تخلفون الأمر .. لا تخلفون النظام
يازينها بعد إذنكم تربطون الحزام .**. واليوم نبغي نعـــــــرف الخيـــــــل وش زينها
\
الابيات :
ياكثر منهو من عنا الوقت منصاب
............ وياكثر منهو منشغل حيل باله
بس أذكري ربّك ولك يوم بحساب
............ وكلاً على فعله يحدد مأآآله
)(
غريـــــــــبة العبدالله
الموال:
ياحياةٍ تسَّر الصديق أكثر وزود .**.يامواتٍ يكيد ويغيض الكبود الكبود
مانشوف السواد لو أيامنا جات سود .**الله معي وأ عـــــــرف الخيـــــــــل وش زينها
\
الابيات :
ماهمني دام المقادير بكتاب
...........لكنَّي استغرب بعض هالشكاله
ليه الغني يغرف بلا قيد وحساب !!
0000000وحظ الفقير البؤس حطه وشاله
)(
صـــــــدى بغداد
الموال:
الناس تقرا ولكن بعـــــــــــــضهم ما يشــــــوف .**. والبعض الآخر بدا بالخوف والخوف خوف
وأنا صدى والإسم يكفيك وسط الحروف .**. والنار ياحـــــــــرّها .. والخيـــل وش زينها
\
الابيات :
يا دنيتي لا تلدغت لدغة الداب
............. لن الزمن متروس فيه الحثاله
أصل الغني ماهو بماله والأنساب
............. أخذي غناة النفس لا جا مجاله
)(
غريبــــــــــة العبدالله
الموال:
السالفة ماهي كذا وكذا كذا كذا وكذا .**.السالفة ظلم ٍوذنب ٍ يوم أخذ هذا بذا
ماهكذا بعض الامر ما ناخذه لو هكذا .**. .مانعرف السالفة . والخيـــل وش زينها
\
الابيات :
كل مابدا فوق التراب تراب
0000000الله كريم يحلَّ حاله بحاله
ياسيده لو شحت الأحباب
000000بالوصل ماشحيت في وصاله
)(
\
\
\
وها هي محاورتنا قد
انتهت .. واتمت .. مشوارهاا ..
آمل ان تكون قد لامست
شغاف الشعر من نبض الحرف فأجزلت العطاآء
شكرا لكل من مر
ولاهنتوااـأ ../
كونوا بخير