اشوف الناس مجتمعة .. هناك وانقبض قلبـــي
كأنه داري بموته قريب وخايف الصدمــــــه
اشوف الكل يبارك له.. ابمشي وارفضت رجلي
اناظر هالعيون وانشد .. وعيني تذرف الدمعة
حبيبي وش حاصله ؟ حبيبي اخباره ماجتني !
قبل ايام ينشدني .. ابغى للقا رسمــــــة
ابغي اموت وصورة اللي اغليها في عينـــــي
دخيلك لاتخليني اسير اللهفة والدمعــــــــــة
دخيل الحب اللي جمعنا سنين في حلمــــــــي
بكيت من الالم والآه وبكيت وصحت في اسمــه
ياناس حد يشرحلي .. خلاص انقضى صبـــــري
كأن الليلة ليلة عرس.. كذا توحيلي هالجمعـــــه
وقال .. فلان بيعرّس .. سمعته واشتعل دمعـــــي
سمعته وصار ماحولي سرابــ ن من صدى الكلمة
اببكي صاحت عيوني .. ابنطق انجرح جوفــــــي
ابرحل مالقيت الحيل يصحيني من الازمــــــــة
حبيبي عرسه الليلة .. خناجر تغرس بروحـــــي
خناجر دمها المسكوب ذكرى تمحي البسمـــــة
ابارك له واهني له ولكن غصه في صوتـــــــــي
يناظرني .. يذكرني ..ترى مو بيدي القسمــــه
حبيبي ابارك لقلبك .. دخيلك عزني بموتـــــي
عزني في مقتل الحب اللي مااكتمل حلمـــــه
,,, منقوله
رد مع اقتباس
