السلام عليكم ورحمة الله وبركاته
ماراح أطول عليكم الصور احيانا تكون أبلغ من الكلام
خلونا نبدأ بمدخل المدرسة
كل مدرسة لازم يكون فيها معمل صح
والحين ابيكم تشوفون فصولنا اللي مجهزة بأحسن التقنيات
في البداية الأرضية
وثم السقف
والمكيف الصراحة من أحدث المكيفات بس عيبه الوحيد انه من دون ريموت كنترول
الحين خلونا نطلع للساحة نغير جو وبالمره نشوف مكان الطابور الصباحي ومكان الفسحة بنفس الوقت
الحين انتهينا من الصور وراح نبدأ الكلام
الحمد لله احنا احسن من غيرنا من ناحية ان عندنا وظائف بس اللي منكد علينا هالمبنى
سؤال لوزارة التربية والتعليم انتوا تحاولون بكل استطاعتكم انكم تحمون الطلاب والطالبات من المرض طبعا بعد الله سبحانه وتعالى من خلال تمديد الإجازة اولا وعمل دورات ثانيا والتطعيمات ثالثا
لكن هل حاولتوا تحمونا من اللي احنا فيه تدرون ان مدرسة بهالوضع ماراح تكون بس عرضة لأنفلونزا الخنازير ولكنها معرضة لكل الأمراض لولا لطف الله بنا كان وحده العالم ايش بيصير لنا اولا المقصف حدث ولا حرج حالته يرثى لها والفصول مثل ماشفتم ماراح اقول مو حلوة لأن مافيها سيراميك ولا رخام هي حتى مافيها بلاط اصلا اغلبيتها اسمنت والسقف مثل ماشفتم مثل البيوت من 50 و 100 سنة
لا وماشاء الله حظائر الغنم تحدنا من معظم الجهات
الساحة مكشوفة يعني احنا في فصل الصيف نعاني معاناة نسأل الله بس انها تكون في ميزان حسناتنا الشمس الحارقة فوق رؤوسنا وعلى بال مانوصل الفصل نكون مثل الدجاجة المشوية
ولما ندخل الفصل يكون مزدحم بالطالبات والمكيف عطلان طبعا ومافيه غير لمبة واحدة وبالله عليكم في هالحالة كيف نبي الطالبات ينتبهوا للشرح مهما كانت المعلمة ممتازة في طريقة شرحها فيه ظروف اقوى منها
يعني ماأعتقد ان الوزارة ماعندها القدرة تنقلنا لمبنى أحسن من كذا بقية المدارس الفصل شكبره وكل اللي فيه عدد قليل من الطالبات لا وبعد غرفة مصادر تعلم وغرفة للحاسب الآلي ومعامل للمواد العلمية
إحنا مانبي كل هالكماليات وطبعا في الوضع اللي احنا فيه اعتبرها كماليات احنا نبي الأساسيات فصول واسعة ومكيفة وساحة مسقوفة زي الناس ومقصف نظيف ومدرسة منظمة مو كأننا عايشين بين جبال لأن مدرستنا هههههههههههههههه عبارة عن مرتفعات ومنخفضات وغير متساوية ابدا فصول مرتفع نطلع لها بدرج مرررررررررررتفع والعكس فصول منخفضة جدا وارضية الفصل الواحد غير متساوية يعني الفصل نفسه يكون جزء مرتفع وجزء منخفض يعني انتبهي وانتي تشرحين خخخخخخخخخخخخخ
غرفة المعلمات صغيرة وفيها تخيلوا 35 معلمة وطبعا بما أن عددنا كبير مافيه مجال لوجود مكاتب بنووووووووووووووب مجرد كنب ونجلس عليه لا وبعد مايكفينا بسبب العدد الهائل فبعض المعلمات يضطرون للجلوس على الأرض حتى اشيائنا على الكنب ماعندنا مكان لها يعني حتى ابسط حقوقنا ماااااااااااااافيه
لا والمضحك في الموضوع انه تقرر اخيرا بناء مدرسة لنا وكانت النتيجة ان كل القرى اللي حولنا انتهت مباني مدارسهم في ظرف سنة بالكثير إلا احنا سنة كاملة وكل اللي تنفذ كم عمود على سطح الأرض مادري ليش وحتى لو فيه مشاكل على المبنى الجديد كانت السبب في ايقافة فين دور الوزارة ؟؟؟؟؟
للأسف احنا نعيش مأساة قبل انفلونزا الخنازير وياعالم فين ممكن نوصل وماعندنا غير
حسبنا الله ونعم الوكيــــــــــــــــــــ ـــــــــــــــــــــــــ ـــــــــــــــــــــــــ ـل
والسلام عليكم ورحمة الله وبركاته
================
هذآالموضوع منقول عن أحدى المعلمآت بمنتدى اخر
فعلاً شيء يُحزن ويدمي القلب عندمآ نرى تللك المشآهد
ونعجب أنهآ لاتزآل بآقية في دولة البترول؟؟؟
فأين الرآقبة والإمآنة يآمسؤليييييييييييييييييين ؟؟
رد مع اقتباس
المشاركة الأصلية كتبت بواسطة ! نوران !
