[poem=font=",6,black,normal,normal" bkcolor="white" bkimage="" border="none,4," type=2 line=0 align=center use=ex num="0,black""]
دامه رحل مظنون عيني عن الدار= انا بعد لجله جفيت العشيره
كني عقب فرقاه واطي على نار= والقلب كنه تشتعل به سعيره
اظلم سمايه وانقلب جوي غبار=والروح من فرقا وليفه خطيره
امسيت محتار وانا اليوم محتار=والعين من ساعة رحيله سهيره
تطري علي ايام واحداث وافكار=مثل الشريط اللي تبث الجزيره
ياما تبادلنا السوالف والاشعار=واطول الاحداث لو هي قصيره
وين انت ياللي عندك علوم واخبار=شفلي عديل الروح بايات ديره
قلب الشقا ياما تعرض للاخطار= يالله عسى في تالي الامر خيره
ولوهو بكيفي ما تردد ولا احتار=ارسل بداله من هل الدار غيره[/poem]