مساكم الله بالخير شباب وش اخباركم وش مسوين ؟(لحد يتميلح ويقول بيض) الصراحه اشتقت لكم بقوه وقلت ياولد اقعد شخمط عليهم وش عندك لاشغل ولا مشغله وفي برهه من الوقت وفي غياهب (يرحم والديكم وش رايكم في كلمه غياهب
تراني ماخذها من قنوات الاخبار ميب الجزيره ترا ) المهم في غياهب من الزمن لقطت الكيبورد وقلت وتالله انني لن اخمد اليوم والا انا مطلع (مخرج) جميع الخنبقه وهذاهي بدت تطلع حبه حبه وعلى فكره تراني ماخذ اللاب توب ( للقراواه مثل التليفون فيه نتع ثابت وطلعوا جوال تدور به بس هذا كمبيوترمتحرك وفيه منه ثابت بس هذل تقدر تحوس به وتقدر تدخل به الحمام يلعن ان الوناسه ودايم لونه اسود ومافيه ماوس )
<-- لحجي ماقد شاف خيراقولكم ماخذ اللاب توب من اخوي قلت ياولد بدال ماتقعد تتبطح في سريرك وتنح في سقف الغرفه وتخلي السبابه تسولف مع فتحه خشمك الييمين واذا طفشت راحت لفتحه خشمك اليسار اجلس اكتي موضوع وذبه في حدا هالمنتديات الي مشاركن فيها --------> طعشر منتدى مشارك فيه
اليكم الخنبقه
مدري كيف ابدأ ولا كيف اقولكم لكم معاناتي.. تهيضت وقلت اكتب لكم بعد انا .. افضفض عن مكنونات قلبي ومختلجات مشاعري..
يمكن استغربتوا لما عرفتوا وشهي مشكلتي ومعاناتي الازليه بالحياه !!
اعتقد واجزم بل واستنكر ( مالها دخل الاخيره بس هذي مشكلة العربي اذا اندمج ) انكم ماراح تقدرون معاناتي لانكم مامريتوا فيها..
مشكلتي باختصار اني اطخم وحلو .. والناس لا شافوني بالشارع لابس ثوب وعلى رأسي الكاب قالوا هذا ايطالي !! اذا دخلت محل كل الانظار تلتفت لي !!
يعني كنت ادور واحد احلى مني مالقيت !! ليش كذا مقفله بوجهي.. ابي يوم احس اني شين ومانيب حلو .. ابغى احس باني سعودي مثلكم .. ملامحي يقطر منها الشين تقطير..
معاناتي
لم انعم بطفولتي مثل باقي الطفوليين قصدي الاطفال .. لم يكن مسموح لي الخروج للشارع بعز القايله مثل باقي الاطفال.. لم تظهر آثار اشعة شمس القايله الحارقه على علباي.. لم اتوسم بذلك الوسم ( علامة الجوده) الداله على انك سعودي نعمت بطفوله مليئه بالمشاكل والشطانه !!
اكتشفت معاناتي عندما دخلت الروضه وتم تنظيم مسابقة لاحلى ولد بالروضه لهذي السنه.. واخذت لقب ملك جمال الروضه .. وبالسنه الثانيه والثالثه تحقق نفس الشيء واخذت اللقب وملكت الكأس وبالسنه الرابعه انسحبت وقلت لهم دوروا حلوين غيري قصدي طلعت للابتدائي وهناك مرت حياتي طبيعيه الا من عدم خروجي من البيت بالقوايل واللعب بالشوارع مثلي مثل غير باقي المبزره !!
لما دخلت المتوسطه تجلت معاناتي بحق وبدت ظاهره للعيان.. عندما افتح الباب الخارجي عشان اروح للبقاله اشتري لي ببسي وجالكسي ابوريالين فيبدأ الاستعراض من بعض الشباب على سياراتهم المعبثه والتفحيط قدام بيتنا واذا رجعت من البقاله اسمع تعليقات منهم .. اللي يقول ياليتني قوطي ببسي وتلمسني شفايفك واللي يقول ياحظك يالجالكسي.. ولا اذا طلعت من المدرسه والتجمهر قدام سيارتنا حتى انهم مره بغوا يذبون علي الرقم !!
وبعد تطور الوضع واستفحاله ( كبيره عليكم) قام اثنين من عيال عمي وصاروا يمشون معي كأنهم بوديز قارد لي واحد عن يميني والثاني عن يساري.. من استفحال ( معجبتني وحبيت اكررها) الموضوع ماصرت العب بـ حصة الرياضه.. اخاف البس الشورت ثم يحدث ما لايحمد عقباه !!
لما كنت بالثانوي وفي احد الايام المشمسه طلعت من المدرسه بعد يوم شاق والقى كفر موتري مبنشر وجنبه خمس دداسن وكلهم اشناب مثل اللي موجودين بالمقاهي على الخطوط.. وكل واحد يعرض مساعدته ويصلح الكفر عني .. وبعد ما صلحوا الكفر قالوا بنمشي معك لين توصل البيت عشان نتطمن ومايصير شيء بالطريق وتتوهق ؟!!
وحنا ماشين بالطريق لقيت واحد جايب عياله من المدرسه ومبنشر كفر سيارته ولا واحد وقف وساعده !!
رحت البر شهر في عز الصيف ورغم ذا ماتغير شكلي وصرت مثلكم شين !! سويت كل شيء عشان اصير شين ومحد يجيب طاري اني اطخم لكن محاولاتي باءت بالفشل..
كان حريم حارتنا الحوامل يتوحمون فيني يبغون عيالهم يطلعون حلوين مثلي بس هيهات هيهات .. كنت لما اطلع بالليل نوري يغطي على نور لمبات الشارع !!
ليش البنات يفكون معي والتليفون اربع وعشرين ساعه مايسكت !! عشرين مره يغير الرقم ابوي بسبب الازعاج وكل المتصلين بنات يبوني وكم وحده بغت تنتحر عشاني اجحدهم !! ليش كذا اكون سبب في موت وعذاب غيري !!
حلمي
ابغى يوم الصبح اصحى واناظر في المرايه والقى لوني اسود متدرج يعني بين لون عبدالله الجمعان ولون عبدالله سليمان,, ادخل سوق يوم من الايام ولا تمسكني الهيئه وتقولي لو سمحت اطلع برى انت فتنه على الرجال بعد موب بس الحريم ,, اطلع من المدرسه ولا اشوف احد مبنشر وسيارتي ويعرض علي المساعده,,
كل من يشوفني يقولي انت من الصومال ولا من جيبوتي؟؟ وتكون علباي سوداء مثلكم يالشيون..
رجاءن كل من يخش الموضوع يدعي لي اصير شين ويتحقق هالحولوم الي ليل نهار قاعد افكر فيه ...
رد مع اقتباس
