[align=center]قصيده تشرّفت بالقاءها يوم الأحد الموافق 26 / 12 / 1425 هـ
في / مؤتمر مكافحة الارهاب بالخرج
أمام محافظ الخرج
صاحب السمو الملكي الأمير / عبدالرحمن بن ناصر بن عبدالعزيز
وكان ذلك تزامناً مع المؤتمر العالمي لمكافحة الارهاب الذي تقيمه المملكة
كفانا الله شر الارهاب وطهّر الله أرضنا من شر الحاقدين وفسد الفاسدين
وأدام الله أمننا وبلادنا وحكّامنا
وودت أن أنزّل القصيده مع التغطيه ولكن نزولٍ لرغبة البعض بالاستعجال بتنزيلها هنا فعلت
والتغطيه عن قريب برعاية ادارة غرابيل المميّزه
ولكم القصيده / علماً بأنها عُرضت على تلفزيون القناة الأولى بالصوت والصوره
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
بسمك الله أبتدي وأبدا بنظمك يالقصيده=الفكر يقدح معاني والقلم ينضح مداده
سيّدي بسمك أرحّب علّها سنينك عديده=يابحر طيبٍ تلاطم موجه وزاد امتداده
والشكر للي جمعنا باجتماعاتٍ مفيده=بارك الله من يكرّس ضد الارهاب اجتهاده
مؤتمر ضد التطـرّف سيّدي بسمك تسيده=والعمل لجل الوطن من دون كلّ ولا هواده
والله أنه مـا يخيّـب مـن رفــع كـفّـه يـريـده=الغفـور الخالق اللي هو رؤفٍ في عـبـاده
يلبـس الدولـه لبـاس الأمـن لعـصـورٍ مـديـده=والمواطن بالرغـد عايـش حياتـه فـي سعـاده
الفخـر لـك يابـلادي فـي حكومتـنـا الرشـيـده=من زرع خيرٍ بشعبه يقطفـه لحظـة حصـاده
ياعسى ربي يبيده من نوالك بالمكيده=نردع الظالم وندحر شـرّه اللي في زناده
الوطن عاجـز وقاصـر مـن نـوى همّـه يبيـده=كيف يجـرأ شخـص عاقـل ينحـر بيـدّه بـلاده
لا وطـن لا ديـن لا مـبـدا و لا هــذي عقـيـده=مـن قتل نفسٍ بريّه عندهـم نـال الشهـاده
كيـف مـن فجّـر بنفسـه يعتبـر نفسـه شهـيـده=لا وربــي والله أعـلـم تعـتـبـر هـــذي إبـــاده
ياخـوارج هالزمـان صورّكـم تمـلا الجريـده=برتـوا بــدارٍ حمتـكـم شعبـهـا هــي والقـيـاده
يـا خـوارج هالزمـان آرآئكـم مـاهـي سـديـده=كـل فـردٍ فـي بلـدنـا جـهّـز لحـربـك جــواده
يـا عـوج فكـرك دخيـل وملّتـك هـذي جديـده=لاتـنـادي بالـصـلاح وعـالـج بقلـبـك فـســاده
كم من أسباب الخـوارج راح منّـا كـم فقيـده؟=شوّهـوا وجـه البـراءه والطفـل مـات بمهـاده
فكرهـم ماهـو بواضـح لكـن أسـبـابه عـديـده=راس الأفعـى ينتهكـنـا ويتظـاهـر فــي وداده
عندهم درب السلام أعوج ودرب الظلم سيده=مالهم في دولة التوحيد منشا أو سيـاده
تبّت يدين الدمار وشلّة الظلم المُبيده=يا خفافيش الظلام وزمرة الفسق وعتاده
النصيحه والسلام وملّة الحق الأكيده=منهج الدين الصحيح وطاعة الله والعباده
هي أساس الدوله اللي ردّدت لحن النشيده=سارعي للمجد والعليا وعـزك في زياده
والتحيّه والسلام ورحمة الله والقصيده =للوطن دار السلام ومهبطه وايضا عماده
والختام الله يديم الأمن لسنينٍ مديده=من يعيش بلا أمن ما ذاق طعمٍ للسعاده
وصل يا سامع على من قاد الأمه بالعقيده=بلا انحلال ولا تطـرّف أسّس أركان القيـاده[/poem]
أخوكم / راكان محمد[/align]
رد مع اقتباس
المشاركة الأصلية كتبت بواسطة تركي السبيعي
