لكم دئم الجديد
[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أشهد إن الليل يامشكاي ساري= والمسافه ماتعوق إلي طرقها
والذيابه ماتهاب إمن الغداري= كل غمرِ نيت الخوه صدقها
فوق جيبِ منوة إلي به يماري= ميزت أوصافه على غيره فرقها
وارد النيسان ماهوب السفاري= المواتر خلف صدامه فهقها
منوتك لامن طرى للقلب طاري = قبل قرص الشمس لايظهر شفقها
يم خلِ دارين بك وانت داري= إن كبدك صالي الفرقا حرقها
يشكي إفراقك يهل إمن العباري= يردف الونات والعبره شهقها
شارين ساعة لقى بك وانت شاري= وإن تهيت فرصة القيا سرقها
لابسِ ثوب الوفاء ماهوب عاري= والمسامع عن هل النمات صقها
في حياته دارسِ حبك وقاري = لين حط أغلا حياته في وفقها
عين حرِ شايفن جول الحباري= الخريش اليا تعلاها صفقها
وفيه من عنق الظبي طبع ومواري = والتفاتت عفريِ كلِ عشقها
قايد الغزلان في روض وخباري = ريحت النوار تبري من نشقها
وإن نطحك تقول للهيبات ظاري = شيخ قومِ يلحق العجفى مرقها
وإن قفيته شفت موتك والعزاري = والبلا من غرته لامن فهقها
ذي وصوف اللي عشانه جيت ساري = فتنتِ سبحان خلاقِ خلقها [/poem]
وسلامتـــــكم
رد مع اقتباس
المشاركة الأصلية كتبت بواسطة عبدالله بن راجس
