السلام عليكم ورحمة الله
أسعد الله مساءكم..وطابت أوقاتكم
وكل عام وأنتم بخير..
يسعدني أن أضع هذه الأبيات الحزينه بين أيديكم متمنية أن لا أحزن قلوبكم الطاهره
وسائلة المولى أن يحفظكم من كل مكرووهـ
وإليكم ما أردت قولــــه....
[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ربـي رجيتـك تثبتـنـي وتجبـرعـزاي=وتعين نفسـي علـى حزن(ن)تخلوابهـا
حزن(ن)تواقد مشاهيبـه بْداخـل حشـاي=من جوره ادموع عينـي حتـت أهدابهـا
من العام والحزن يبرالي ويتبـع خطـاي=حتـى بلحظـات نـومـي ماتهنابـهـا
ياما ذرفت المدامع من خـلاي ب/خـلاي=وياما كتبت الحـروف وخافقـي جابهـا
واليوم بركان حزني ثار واظلـم سمـاي=واحزانـي اللـي تجـدّد حنّـت اركابهـا
قالوا لي أبوك مـات وقلـت يامشتكـاي=على اللي أمر البشـر بيـده وماصابهـا
وفي المغسله جيت أودّع يوم جاني عناي=وادموع عينـي علـى وجهـه تغشابهـا
صوتي تقطّع وهو ماعـاد يسمـع نـداي=ماعـاد يسمـع صـدى بنتـه ولامابهـا
أودّعه لو صْفوف الخلـق رايـح وجـاي=لحظة وداعـه علـي لازم وأنـا أولابهـا
تكفون يااهل النّعش خلوني أروي ضمـاي=خلـوا عْيونـي تـودّع مـن تعزوابهـا
أدعيـه يابـوي عـوّد لاتخيّـب رجـاي=والمـوت حـوّل علـى روحـه وقفابهـا
أودّعه بس ب/عيوني ولـو فـي هـواي=لامشي مع اجنازته واقعد علـى اترابهـا
لحظة وداعـه حسافـه مانفعنـي بُكـاي=لحظات ماظنّي أنسـى صفحـة اكتابهـا
مصيبتي في صميم القلب جابـت خفـاي=لولى ضلوعي كفخ قلبـي مـن اسبابهـا
ويلي من افراق أبوي وغيبته عن سمـاي=من هولهـا صوتـي المبحـوح غنابهـا
وصار القدر غصب عني مانشد عن رضاي=واقدار ربي إلـى مـن جـات نرضابهـا
ياسامع الصوت يامـولاي تقبـل دعـاي=وفي جنة الخلد تفتـح لـه مـن أبوابهـا
ويالله رجيتك تصبرنـي وتجبـر عـزاي=وتعين نفسـي علـى حزن(ن)تخلوابهـا
[/poem]
رد مع اقتباس
المشاركة الأصلية كتبت بواسطة مزيد العصيمي
